Elimizde dárilik zattardy reseptýaldy ótkizý Densaýlyq saqtaý jáne áleýmettik damý mınıstriniń buıryǵymen bekitilgen. Reseptilerdi jazý, esepke alý jáne saqtaý qaǵıdalarymen reglamentteledi. Qazaqstan boıynsha 2019 jyldyń 21-shi mamyryndaǵy esep boıynsha 7792 dárilik zattyń ataýy tirkelgen. Onyń ishinde dárigerdiń resepti boıynsha 6 033-i, al, nusqaýlyqsyz 1759-y satylady.
Al, turǵyndardyń keıbiri qatań túrde dárigerdiń nusqaýlyǵymen usynylatyn dáriler týraly bilmeıdi. Qandaı da bir aýrýdyń belgileri baıqalǵan jaǵdaıda, dárigerdiń kómeginsiz emdelgisi keledi. Resept boıynsha satylatyn dárilik zattardyń tizbesine toqtalsaq: mıkrobqa qarsy jáne gormonaldyq preparattardy; quramynda esirtki jáne psıhotroptyq zattary bar dárilik zattardy; júrek-qan tamyr aýrýlaryn emdeýge arnalǵan dári-dármekterdi; as-qazan-ishek joldary aýrýlaryn emdeýge arnalǵan dárilik zattardy jáne t.b. qamtıdy.
Sondaı-aq dárigerdiń reseptisinsiz mynalar satylady: dárýmender, murynǵa arnalǵan tamshylar, shópten jasalǵan sháı, sonymen qatar aýrýdy basatyn keıbir preparattar kiredi. Dárihanada turǵan formaseftter, satyp alýshyǵa atalmysh preparattyń qoldanylýy týraly aqparat berýi shart.
Dárilik zattardy reseptsiz bosatýdyń qaýiptiligin túsindirý maqsatynda dárilik zattar men medısınalyq maqsattaǵy buıymdardy ulttyq saraptaý ortalyǵymen farmasevtıka salasy qyzmetkerlerin reseptpen bosatýǵa, naýqastarǵa dárigerdiń reseptpen dári qabyldaýǵa shaqyratyn «Qatań túrde reseptpen bosatý» aptalyǵy júrgizilýde.
Atalǵan shara Qazaqstan aýmaǵyndaǵy barlyq emdeý oryndary men dárihanalardy qamtıdy jáne 2019 jyldyń mamyr aıynyń sońyna deıin jalǵasady.
Mańǵystaý oblysynda qazirgi tańda 400 den astam dárihana bar. Olardyń 90 paıyzy jeke kásipkerlerdiń ıeliginde.
