Qazirgi ýaqytta medısına qyzmetkerleriniń ózindik basqarý organdaryna mańyzdy ról berilgen. Oǵan qosa Densaýlyq saqtaý mınıstrligi ókilettiginiń bóligin úkimettik emes kásibı qaýymdastyqtarǵa berý boıynsha jumystar júrgizilýde. Sondyqtan bul konferensııa osyndaı qaıta formattaý úderisiniń bir qyry bolyp tabylady. О́ıtkeni kez-kelgen qaýymdastyqtaǵy jumystyń negizgi basymdyǵy medısınalyq kómektiń sapasyn joǵarylatýǵa baǵyttalǵan.
Búgin Almatyda halyqaralyq mamandardyń qatysýymen «Jasyna qaraı uqsas kóz aýrýlary» atty ǵylymı-tájirıbelik konferensııa óz jumysyn bastady. Eki kúnge sozylatyn is-sharany «Qazaqstan oftalmologtar qoǵamy» respýblıkalyq qoǵamdyq birlestigi uıymdastyryp otyr.
Konferensııa jumysyna búkil Qazaqstannyń beıindi mamandary, otandyq klınıkalar men taıaý jáne alys sheteldegi klınıkalardyń jetekshi spıkerleri qatysyp otyr. Sonymen qatar sheberlik synyptar kórsetiletin bolady.
Kóz aýrýlaryn dıagnostıkalaý ádisteri únemi keńeıtilip, emdeý tásilderi jetildirilip turady. Álbette, konferensııa aıasynda jańa medısınalyq qural-jabdyqtar kórmesi qatar ótip jatyr.
Sankt-Peterbýrg qalasyndaǵy (Reseı) I.P.Pavlov atyndaǵy ASPMMÝ oftalmologııa kafedrasynyń professory Iý.Tahtaev, Sankt-Peterbýrgtegi «Kóz mıkrohırýrgııasy» SAǴTK dırektorynyń ǵylymı jumys jónindegi orynbasary, professor I.Panova, Qazaqstan, Almatydaǵy QazKAǴZI basshysynyń ǵylymı-klınıkalyq jumys jónindegi orynbasary N.Aldasheva syndy otandyq jáne sheteldik jetekshi dárigerler óz baıandamalaryn oqydy.
Eki kúndik konferensııada oftalmologııanyń eń ózekti máseleleri, túrli kóz aýrýlaryn dıagnostıkalaý men emdeýdiń jańa tásilderi, sondaı-aq emdeý úderisiniń sapasy men qarqyndylyǵyn baqylaý tásilderi talqylanady. Munyń barlyǵy álemdik standarttarǵa saı keletin emdeý-dıagnostıkalyq is-sharalardy jetildirý jáne halyqqa joǵary sapaly oftalmologııalyq kómekti kórsetý úshin jasalyp jatyr. Bul, eń aldymen kórý qabiletin saqtaýǵa jáne ómir sapasyn jaqsartýǵa kúresýde otandyq mamandar men álemdik oftalmologııa qaýymdastyǵynyń kúshterin biriktirýge baǵyttalǵany sózsiz.
Elimizdiń barlyq óńirinen jınalǵan shtattan tys oftalmologtar qatysatyn Qazaqstan oftalmologtar qoǵamynyń qyzmet máseleleri jónindegi keńes Konferensııa sheńberindegi mańyzdy oqıǵalardyń birine aınalmaq.
Sonymen qatar, konferensııa aıasynda birneshe sheberlik synyptar ótkizý josparlanǵan, onyń ishinde glaýkoma drenajdaryn ımplanttaý otasy da bar.
Konferensııa túrli memleketterdiń oftalmologtary arasynda tájirıbemen, oı-pikirmen, jańalyqtarmen almasýdyń aqparattyq alańyna aınalady, bul óz kezeginde halyqaralyq yntymaqtastyqty damytýǵa, oftalmologııalyq ǵylym men tájirıbeniń túıtkildi máselelerin sheshýge yqpaldasatyn bolady.
ALMATY
