Aımaqtar • 24 Mamyr, 2019

Shymkenttik kardıologtar dıagnostıkalaýda Reseı dárigerlermen tájirıbe almasty

900 ret kórsetildi

Reseıdiń Samara qalasy memlekettik medısınalyq ýnıversıtetiniń sáýleli jáne ýltradybystyq dıagnostıka kafedrasynyń dosenti, medısına ǵylymynyń kandıdaty Olga Tereshınanyń qatysýymen qalalyq kardıologııalyq ortalyqta «Fýnksıonaldyq dıagnostıka máseleleri» atty halyqaralyq sheberlik sabaǵy ótti.

Onda jergilikti mamandar sheteldik mamanmen dıagostıkalaýdyń zamanaýı ádisterin jasaýda tájirıbe almasty.

«Emdeýdiń nátıjeli bolýy - dıagnostıkany durys qoıýǵa baılanysty. О́ıtkeni, aýrýdy erte anyqtaǵanda onymen kúresý áldeqaıda ońaı. Tehnıka kún saıyn damyp jatqandyqtan, mamandar jańa qurylǵylarmen jumys jasaýdy jyldam meńgerýi tıis. Shymkenttik dárigerlermen sheberlik-sabaqta jańa tehnologııalarmen jumys isteýdiń tyń ádisterimen bólisetin bolamyn», dedi Olga Tereshına. 

Ortalyqtyń bas dárigeriniń emdeý isi jónindegi orynbasary G. Shekerbekova óirdegi medısınalyq uıymdar sońǵy úlgidegi dıagnostıkalyq qurylǵylarmen jabdyqtalǵanyn jáne bilikti mamandardyń bar ekenin jetkizdi.

«Shymkent qalasyndaǵy 5 emhanada, qalalyq dıagnostıkalyq ortalyqta jáne aýdandarda 26 stasıonarlarda júrekke dıagnostıka jasaıtyn ÝDZ qurylǵylar ornatylǵan. Júrekti dıagnostıkalaý jyldan jylǵa jańaryp otyrǵandyqtan, mamandardyń biliktiligin artyryp otyrý qajet. Mamandar buryn Nur-Sultan, Almaty qalalarynda ulttyq ortalyqtarda biliktilik arttyrsa, endi reseılik mamandardy ózimizge shaqyrtyp otyrmyz»,  dedi G.Shekerbekova.

Jýyrda ortalyqqa ekspert klasynyń ýltradybystyq dıagnostıkalyq qurylǵysy jetkizilmek. G.Shekerbekova bul qurylǵynyń 3D, 4D rejımde kórýge múmkinshilik beretinin aıtady. Tájirıbe almasý barysynda jaqynda iske qosylatyn zamanaýı apparatpen jumys isteý tásilderi de aıtylady jáne óndirýshi «Philips» kompanııasynyń ókilderi de qatysty.

Sońǵy jańalyqtar

Bıyl mektep formasy ózgermeıdi

Bilim • Búgin, 16:14

Dollar qymbattady

Ekonomıka • Búgin, 15:54

Jetisý oblysynyń TJD basshysy taǵaıyndaldy

Taǵaıyndaý • Búgin, 15:08

Aralda jol apatynan bir adam kóz jumdy

Oqıǵa • Búgin, 11:35

Qazaqstannyń eksport kólemi artty

Ekonomıka • Búgin, 09:52

Uqsas jańalyqtar