Bul týraly «Shymkent» ÁKK» Basqarma tóraǵasy Rashıd Aıýpov pen Highvill Kazakhstan-nyń Bas dırektory Kang Djon Denyń kezdesýinde málim boldy.
Kezdesýde Highvill tarapynan «Shymkent City» jobasyna jaýapty basshy taǵaıyndalyp, tanystyryldy. Sondaı-aq turǵyn úı kesheniniń merzimi men jospary talqylandy.
«Shymkent» ÁKK» Basqarma tóraǵasy Rashıd Aıýpovtyń málimdeýinshe, koreıalyq flagman «Shymkent City»-den kópfýnksıonaldy turǵyn úı keshenin salýdy josparlap otyr.
Jańa qalashyqta úlken saıabaq ta bolady. «Shymkent City»-de 47 ga aýmaqta ońtústikkoreıalyq texnologııamen qala turǵyndarynyń ıgiligi úshin zamanaýı saıabaq salynbaq.
Rashıd Aıýpovtyń aıtýynsha, «Shymkent City» qalashyǵyndaǵy qurylys jumystary 2019 jyldyń kúzinde bastalady. Jalpy jospar boıynsha aldaǵy 10 jyl ishinde «Shymkent City»-de 7554 páter salynbaq.
