Senat Tóraǵasynyń orynbasary Sergeı Gromov sharany asha kelip, komıssııanyń ótken on úsh otyrysynyń tıimdi bolǵanyn atap ótti. Parlamenttik ózara is-qımyldyń jańa deńgeıge kóterildi. Bizdiń memleketterimizdiń zańnamalaryn úılestirý salasynda aýqymdy jumystar atqaryldy.
Ol Senat pen Federasııa Keńesi arasyndaǵy Yntymaqtastyq týraly kelisimge sáıkes salalyq eki komıtet jumysqa birlese kiriskenin jetkizdi.
Komıssııanyń Reseı tarapynan teń tóraǵasy Reseı Federasııa Keńesi tóraǵasynyń orynbasary Ilıas Ýmahanov óz kezeginde ótip otyrǵan otyrystyń mańyzdylyǵyn atap ótti. Sondaı-aq sandyq ekonomıkany damytý, jastardy qoldaý jáne osy saladaǵy yntymaqtastyq máselelerine toqtaldy.
«Bul otyrys ónimdi jumys isteıtin bolady jáne bizdiń zań shyǵarýshy organdardyń ózara tıimdi yntymaqtastyǵyna oń yqpal etedi dep senemin», - dep atap ótti S. Gromov.
Otyrys barysynda Qazaqstan men Reseı senatorlary quqyq qorǵaý organdary men sottardy jáne sıfrlandyrýdy zańnamalyq qamtamasyz etý, jastardy qoldaý máseleleri, sondaı-aq eki eldiń jastar uıymdary yntymaqtastyǵynyń keleshegi talqylandy. 2019 jyl Qazaqstanda Jastar jyly dep jarııalanýyna baılanysty jastardy qoldaýdy zańnamalyq qamtamasyz etýdiń joldary men baǵyttaryn zańnamalyq turǵyda qamtamasyz etý, Qazaqstan Respýblıkasy men Reseı Federasııasy jastar uıymdarynyń yntymaqtastyǵyn talqylaý mańyzdy bolyp otyr.
Otyrysqa senatorlar Georgıı Kım, Jeńis Nurǵalıev, Tóleýbek Muqashev, Nurlan Beknazarov, Vladımır Volkov, Ǵumar Dúısembaev, Sergeı Plotnıkov, elimizdiń aqparat jáne qoǵamdyq damý mınıstriniń orynbasary Juldyz Omarbekova, sıfrlyq damý, qorǵanys jáne aeroǵarysh ónerkásibi mınıstriniń orynbasary Abylaıhan Ospanov, Joǵarǵy Sottyń qylmystyq ister jónindegi sot alqasynyń sýdıasy Erden Áripov, Bas prokýrordyń orynbasary Marat Ahmetjanov qatysty.
Depýtattar sondaı-aq Yqylas atyndaǵy halyq mýzykalyq aspaptar murajaıynda bolyp, máńgilik alaýǵa gúl shoqtaryn qoıdy.
Komıssııanyń kezekti 15 otyrysy Reseıde ótetin boldy, onyń naqty kúni men orny komıssııanyń hatshylary arqyly kelisiletin bolady.
