Bul sharaǵa Batys Qazaqstan oblysynyń aýdandarynan jáne Oral qalasynan 8 úmitker qatysty. Baıqaý sharty boıynsha jas memlekettik qyzmetshiler qazaq, orys jáne aǵylshyn tilderin jetik meńgerý daǵdysyn synǵa saldy.
«Til sheberi-2019» ataýynan úmitker jas mamandar «Tusaýkeser» synynda qazaqtyń ulttyq kıiminde óner kórsetip, berilgen taqyryp mazmunyn qazaq tilinde tolyq ashýǵa tyryssa, «О́nertanym» kezeńinde aǵylshyn tilinde án salyp, óleń oqyp, shaǵyn qoıylymdar kórsetti. Al «Ulttanym» atalǵan qorytyndy kezeńde suraq-jaýap aıdaryna qatysyp, belgili ǵalymdar men qoǵam qaıratkerleri tarapynan qoıylǵan suraqtarǵa jaýap berdi.
Sonymen, «Til sheberi-2019» baıqaýynyń qorytyndysy boıynsha júldeli 1-oryndy Aqjaıyq aýdany Chapaev aýyldyq okrýgi ákiminiń orynbasary Erbolat Muhtaruly jeńip aldy. Al 2-oryn Batys Qazaqstan oblystyq memlekettik satyp alý basqarmasynyń bas mamany Botagóz Bolatqyzyna buıyrdy. Baıqaýdyń úshinshi júldesin Qaztalov aýdany ákimi apparatynyń mamany Erlan Nurlanuly men Syrym aýdanyndaǵy Jympıty aýyldyq okrýgi ákimi apparatynyń mamany Aqmarjan Turlanqyzy ıelenip, baǵaly syılyqtarmen marapattaldy.
Sýretti túsirgen Rafhat HALELOV
Batys Qazaqstan
