astanaproteam.kz
232 shaqyrymǵa sozylǵan taýly kezeńdi Kataldo bes saǵat, 48 mınýt 15 sekýndta júrip ótti. Jeńimpazben bir ýaqytta máre syzyǵyn kesken «Androni Giocattoli» ókili Mattıa Kattaneo ekinshi oryndy ıelense, úzdik úshtikti «Mitchelton-Scott» sportshysy Saımon Ieıts qorytyndylady. Ol jeńimpazdan 11 sekýnd qalyp qoıdy. Sondaı-aq «Astana» komandasynyń kapıtany Mıgel Anhel Lopes bul kezeńdi jetinshi orynmen aıaqtady.
Al velojarystyń jalpy esebinde ekvadorlyq Rıchard Karapas («Movistar») – 64 saǵat, 24 mınýtpen kósh bastap tur. Ekinshi orynda slovenııalyq Prımoj Roglıch («Jumbo-Visma») (+47 sekýnd) bolsa, úshinshi satyda «Astananyń» eks-veloshabandozy ıtalııalyq Vınchenso Nıbalı («Bahrain Merida») (+1:47 mınýt) keledi. «Astana» kapıtany Lopes 10-orynda jaıǵasqan (+5:55).
Aıta keteıik, bul «Astananyń» «Djırodaǵy» ekinshi jeńisi. Buǵan deıin jetinshi kezeńde ıspanııalyq veloshabandoz Pelo Bılbao «Astanaǵa» alǵashqy jeńisti syılaǵan bolatyn.
