«Men qazaq qyzdaryna qaıran qalam…»

Senbi, 23 naýryz 2013 0:25

Reseıden tarıhı Otanyna oralǵan qaryndasymyz sport salasynda bıik belesti baǵyndyrýdy kózdeıdi

Ár kimniń kindik qany tamǵan to­py­raǵy ystyq qoı, shir­kin. Týǵan jer adamdy tartyp-aq turady. Bizdiń ke­ıipkerimiz Gúl­na­fıs Aıtmu­ham­be­to­va Reseıdiń Astrahan oblysynda ómir­ge kelgen, sol óńirde qanaty qa­taıǵan. Ras, Astrahanda qazaqtar az emes. Biraq, eldiń aty – Reseı.

Senbi, 23 naýryz 2013 0:25

Reseıden tarıhı Otanyna oralǵan qaryndasymyz sport salasynda bıik belesti baǵyndyrýdy kózdeıdi

Ár kimniń kindik qany tamǵan to­py­raǵy ystyq qoı, shir­kin. Týǵan jer adamdy tartyp-aq turady. Bizdiń ke­ıipkerimiz Gúl­na­fıs Aıtmu­ham­be­to­va Reseıdiń Astrahan oblysynda ómir­ge kelgen, sol óńirde qanaty qa­taıǵan. Ras, Astrahanda qazaqtar az emes. Biraq, eldiń aty – Reseı.

Gúlnafıs osy elde úlken sportqa bet burdy. Tipti, bıik belesterge jetelegen bastapqy jetistikterine qol jetkizip, Reseıdiń úsh dúr­kin chempıony atandy. Bir­aq, ultyń qazaq bolǵanmen, dodadan top jarǵandar Reseıdiń már­tebesin bıiktetedi. Reseıdiń abyroıyn asyrady. Sol eldiń kóterilgen Týyna qarap, Án­uranyna qosylyp turady. Al, bul boıynda qazaqy namysy bar, júregi qazaq dep soǵatyn Gúlnafıstiń oıyn san-saqqa júgirtetin. Ońasha qalǵan sát­terinde «Sporttaǵy jeńisimdi Qazaqstanyma arnasam, qalyń qazaqtyń namysy úshin jarys­qa shyqsam», dep kún-tún tolǵa­natyn boldy. Júrek túkpirin­degi sol tolǵanysy armanǵa ulasty.

Árıne, sporttyń qaı túri­nen de bıik beleske kóterilý áste ońaı emes. Sonyń ishinde taekvondoshylardyń jeńiske jetýi tipten qıyn. О́ıtkeni, TMD elderinde bul sport bu­ryn keń etek jaımaǵan. Tek elimiz táýelsizdik alǵannan ke­ıin ǵana Mustafa О́ztúriktiń kelýimen damı bastady. Reseıde de taekvondonyń órken jaıýy sol jyldardan bastaý alady. On eki jasynda taek­von­doǵa myqtap bet burǵan qazaq­tyń qaısar qyzynyń Reseıdegi jetistigi de, abyroıy da aspandap bara jatty. Tipti, qar­sylastary Gúlnafıs qatysa­tyn elishilik, halyqaralyq do­dalarǵa qaımyǵyp keletin boldy. Úlken elde ony qoldaıtyn tileýlestermen birge, reti kelse omaqastyra qulatýdy kózdegen aıaqtan shalýshylar da tabylyp jatty. О́ıtkeni, Gúlnafıstiń soqqylary joıqyn edi. Taktıkasy da bólek. Áıtpese, Reseı­diń úsh dúrkin chempıony bola alar ma edi? Onyń chempıondyq bıikke bastaǵan sporttyq taktıkasyna, eń bastysy, qaısar­lyǵyna qyzyǵatyndar kóbeıdi. Qyzǵanysh ta bolmaı qalmady. Tileýlesteriniń qyzy­ǵýshyly­ǵyn, baqtalastarynyń qyzǵa­ny­shyn oıatqan Gúlnafıs bir kúnde Qazaq eliniń namysyn qorǵaýǵa bekinip shyǵa keldi. Sóıtip, 2008 jyldyń jazynda Qazaqstanǵa oraldy.
– Bala kúnimizden ata-anamyz bizdi qazaqy namysqa tár­bıeledi. Sen qazaqsyń, ult­tyq namysyńdy eshkimge taptatpa, dep otyratynyn jadymyzǵa túıdik, – deıdi Gúlnafıs Aıt­muhambetova ótken kúnderine sholý jasap. – Ákem men qa­tysatyn jarystyń bárinen qalmaıtyn. Jattyq­tyrýshy­nyń qoldaýy bólek qoı, al ákeń­niń namysyńdy qaıraǵan, jigerińdi janyǵan sózderi tip­ten erekshe áser etedi. Ásirese, eseıgen kezde men qazaqpyn, endi tek qazaq halqynyń namysyn qorǵaýym qajet, degen oı­ǵa bekindim. Ulttyq namysym meniń elge oralýyma túrtki boldy.
Gúlnafıstiń tarıhı Otanyna oralýy qazaq taekvondoshylary arasynda úlken serpilis týdyrdy. «Atyraýǵa Reseıden taekvondoshy qazaq qyzy kelipti» degendi estip, biz de eleń ete túskenbiz. Odan beri de biraz jyl óte shyqty. Osy jyldarda tarıhı Otanyna oral­­ǵan qazaq qyzynyń sporttaǵy jetistigin syrttaı ba­qylap kelemiz. Arasynda sport­tyń osy túrinen aǵa jat­tyqtyrýshy Nurhat Dúısen­baev­tan syr tartyp qoıamyz. Sondaı kezdesýdiń birinde Nur­hat baýyrymyzdyń «Gúlnafıs Aıtmuhambetova ońaı shaǵyla­tyn osal jańǵaq emes, qazaq­tyń mereıin tasytatyn naǵyz qaısar qyz. Bolashaqta qazaq eliniń namysyn qorǵaıtyn sanaýly taekvondoshynyń bireýi atanady» degeni umytylmaı júr­gende, jas ta bolsa, osy sportty damytsam dep, ystyq-sýyǵyna tózip júrgen jetekshi jattyqtyrýshy qateles­pegeni­ne kóz jetti.
Durysynda, taekvondoshy qaryndasymyz Gúlnafıs Aıt­mu­hambetova Qazaqstanǵa oral­ǵan soń álemdik dodalarda bı­ikten kórine bastady. Baby da, baǵy da bar ekenin dáleldedi. 2009 jyly Álem chempıonatyna qatysyp, qarsylastaryn joıqyn soqqynyń astyna aldy. Sóıtip, jeńistiń bıik tuǵy­rynda Gúlnafıs turdy. Sol sát­te Qazaqstannyń Ánurany shyrqalyp, Qazaq eliniń kók­baıraǵy bıikke kóterilip bara jatty. Gúlnafıstiń janaryna móldirep jas tundy. Eldiń aby­roıyn asqaqtatqan qazaq­tyń qaısar qyzynyń qýany­shy­nyń jasy. Qýanǵannan jú­regi attaı týlap turdy. Sondaı júrek tolqytqan qýanyshty sátti Londondaǵy Olımpıada oıyndaryna qatysýǵa beriletin joldamaǵa ıe bolǵanda taǵy da sezindi. Bul jolǵy qýanysh tipten bólek edi.
– Ár saıystyń ózindik orny erekshe, – dep eske alady sol bir qýanyshty sátin Gúlnafıs, – biraq Olımpıadanyń jóni tipten bólek. Oǵan qatysý ekiniń birine buıyra bermeıdi. Elimniń baǵy bar eken, Olım­pıadaǵa qatysý joldamasy ma­ǵan buıyrdy. Elimniń deıtin sebebim, Reseıde júrgende je­ńisimdi Qazaqstanǵa arnasam deý­shi edim, endi elime oralǵan­nan keıin ózimniń sporttaǵy jetistigimniń bárin elimniń jeńisi deıtin boldym. О́ıtkeni, ár qazaqtyń abyroıy –Qazaq­stannyń abyroıy, jetistigi –Qazaqstannyń jetistigi. Elden bólinip, jeke abyroıǵa bólený, jeke jetistikke jetý múmkin emes. Sol sebepten, tutas bir eldiń namysyn qorǵaý úshin dodaǵa túsken ekenmin, jeńi­simdi de elimniń jeńisi deý oryn­dy bolmaı ma?!
Sporttyq saıystardyń bá­rinde jeńiske jetý qajet desek, ústirt pikir qalyptastyrar edik. Sportshylar jaqsy bi­ledi, bir saıysta sportshynyń juldyzy janar, endi birde sátsizdik aldyn orap turady. Azııa oıyndarynyń qola júl­de­geri atanǵanda, Gúlnafıstiń jigeri muqalǵan joq. Kerisin­she, sol saıystan soń qaırat­tana, qaısarlana tústi, sheber­ligin ushtaı tústi. London Olım­pıadasynda top jarýdy maqsat tutty. Sol maqsatqa jetý úshin halyqaralyq dodalardan qalmady. О́zin Olımpıa­daǵa daıyndaǵan joǵary sanatty jattyqtyrýshy, halyqara­lyq dárejedegi tóreshi Asqar Toqtabaevtyń keńesine molynan qanyqty. О́ıtkeni, ózin udaıy jigerlendiretin, qaısar­ly­ǵyna tánti bolatyn bilgir jattyqtyrýshy Gúlnafısten jaqsy nátıje kútetin edi. Biraq, nege ekeni belgisiz, Gúl­nafıs London Olımpıadasyna jattyqtyrýshysyz attandy. Bul árıne, Gúlnafıstiń jigerin qum qylmasa da, eldiń namysy synǵa túsken básekege jattyq­tyrýshysyz shyǵýdyń qıyndy­ǵyn sezindirdi.
– Qazaqtyń Olımpıada oıyndarynda abyroıyn qorǵap, kókbaıraǵymyzdy bıikte jel­biretýdi maqsat tutyp edim. Án­uranymyz shyrqalsa deýshi edim. Bul joly maqsatyma jete al­madym. Biraq, erte me, kesh pe, Qazaq eliniń Olımpıada oı­yn­da­ryndaǵy mereıin tasytý jolyn­daǵy armanyma qol jet­kizemin, – deıdi janarynda jasyn oınaǵan qaısar qarynda­symyz Gúlna­fıs. – Meniń jal­ǵyz armanym – Qazaqstanǵa Olım­­­pıadanyń bir medalin áke­lý!
Eliniń, ultynyń namysyn oılaǵan, qanynda qazaqy qaı­sar­lyǵy basym qarynda­symyz­dyń ultjandylyǵyna qalaı rıza bolmaısyń?!
Joldasbek ShО́PEǴUL,
«Egemen Qazaqstan».
Atyraý.

Sýrette: tarıhı Otanyna oralǵan qazaqtyń qaısar qyzy Gúlnafıs Aıtmuhambetova.
Sýretti túsirgen 
Rahym QOILYBAEV.