Balalar jaraqatynyń aldyn alý aptalyǵy ata-analardy, balalardy, mamandardy jáne búkil qoǵamdy bala qaýipsizdigin qalaı qamtamasyz etý qajet ekendigi jaıly habardar etý maqsatynda, sondaı-aq tunshyǵý, qulaý, kúıip qalý, jol-kólik oqıǵalaryna ushyraý, kishkentaı zattardy jutyp qoıý sııaqty baıqaýsyz jaraqattardyń saldarynan balalardyń múgedek bolyp qalýynyń nemese óliminiń aldyn alý úshin ótkiziledi. Jazǵy ýaqyt – balalar úshin eń qaýipti kezdiń biri, óıtkeni kóptegen balalardyń jaraqattanýy osy toqsanda tirkeledi.
IýNISEF zertteýlerine qaraǵanda, túrli dene jaraqattary Qazaqstandaǵy jáne álemdegi balalar ólimi men aýrýhanaǵa túsýiniń basty sebepteriniń biri eken. Densaýlyq saqtaý salasyndaǵy respýblıkalyq elektrondyq ortalyqtyń málimetteri boıynsha, 2017 jyly oqys jaǵdaılarydń kesirinen 1283 bala jazym bolǵan. Al 27 myń 702 bala baıqaýsyz jaraqat saldarynan aýrýhanaǵa túsken.
Al, balalar jaraqatynyń aldyn alý aptalyǵyna oralar bolsaq, 26 mamyrda jaraqat alǵan balarmen fokýs-top kezdesýleri uıymdastyryldy. Talqylaý barysynda balalar jaraqattanǵan kezdegi óz tájirıbelerimen bólisip, qaýipsiz ortany qurý úshin qandaı sharalar men jaǵdaılar jasalý qajetigi jaıly oılary men tilekterin aıtty.
28 mamyrda balalary nemese týys-týǵandarynyń balalary jaraqattanǵan ata-analardyń fokýs-toby ótedi. Kezdesýde ata-analar tájirıbelerimen almasyp, balalardyń oqys jaǵdaılarǵa urynyp qalmaýy qadaǵalaý joldary týraly pikir almasady.
29 mamyr kúni túrli sala mamandaryna arnalǵan aranıy dáris ótedi. Densaýlyq saqtaý, bilim berý, ákimshilik polısııa, tótenshe jaǵdaılar, kommýnaldyq sharýashylyq, aqparat jáne mádenıet, áleýmettik qorǵaý salalaryndaǵy mamandar úshin Densaýlyq Saqtaý Uıymynyń oqytý paketi men IýNISEF-tiń «qaýipsiz ortany» qamtamasyz etý modýline negizdelgen semınar ótedi. Germanııadan arnaıy shaqyrylǵan halyqaralyq sarapshy Djoan Vınsenten jıynǵa qatysady.
30 mamyrda – balalar jaraqattynyń aldyn-alý jónindegi dóńgelek ústel ótedi. Onda Qazaqstannyń segiz óńirindegi 14 jasqa deıingi balalardyń ata-analarymen júrgizilgen suhbat arqyly jınalǵan IýNISEF-tiń zertteý nátıjeleri men usynystary tanystyrylady. Sondaı-aq balalardyń jaraqattanýyn aldyn alý úshin kelesi úsh jyldyń strategııalyq qadamdary josparlanady.
