Bul joly ol sporttyq bı ókilderimen kezdesip, ádemilik pen ásemdikke negizdelgen osy sport túriniń damý barysy jaıynda keńinen áńgime qozǵaldy. «Almatylyq federasııa – respýblıkamyzdaǵy eń úzdigi. Alataý baýraıyndaǵy ásem shaharda 31 klýb jumys isteıdi jáne olar eshkimge alaqan jaımaı, óz-ózderin qarjylandyryp otyr», – deıdi qalalyq Sporttyq bı federasııasynyń prezıdenti Galına Zaıdentrýmf.
Aıtýly klýbtardy balalary sporttyq bımen aınalysatyn ata-analar qarjylandyrady. Federasııa olardy halyqaralyq týrnırlerge jiberedi. Al ishki jarystarǵa keler bolsaq, bıshilerdiń basty problemasy – arnaıy alańdar joq. Jaldaý baǵasy qymbat. Sol sebepti de uıymdastyrýshylar jarystar bıletiniń baǵasyn kóterýge májbúr. Al balalarynyń ónerin tamashalaý úshin ata-analarynan bólek, ata-apalary, týǵan-týystary da keledi. Iаǵnı, olardyń qaltasyna salmaq túsedi.
Jıynda Almaty qalasynda iri halyqaralyq týrnır ótkizý máselesi talqylandy. Qurmetti qonaq retinde eń úzdik juptardyń biri - ıtalııalyq Stefano de Fılıppo men Darıa Chesnokovany shaqyrý jaıynda usynys aıtyldy. Osyndaı kásipqoılardy kórgennen keıin kóptegen almatylyq bı ónerimen aınalysqysy keletini sózsiz.
