Palata Tóraǵasy Nurlan Nyǵmatýlın Slovak Respýblıkasynyń Qazaqstandaǵy Tótenshe jáne О́kiletti elshisi Mılan Kollardy qabyldady.
Taraptar eki el arasyndaǵy yntymaqtastyqty damytý tóńireginde ortaq oılarymen bólisti.
Májilis Tóraǵasynyń pikirinshe, Qazaqstan Slovakııany Ortalyq Eýropa, jalpy Eýropalyq Odaq ishinde mańyzdy áriptesterdiń biri retinde qarastyrady. 25 jyl ishinde qos memleket arasynda senimdi saıası dıalog, qajetti quqyqtyq baza qalyptasyp, saýda-ekonomıkalyq ári mádenı- gýmanıtarlyq yntymaqtastyq úshin qolaıly jaǵdaı jasaldy.
N. Nyǵmatýlın bizdiń elimiz Eýropa men Azııa arasyndaǵy baılanystyrýshy kópir ispetti ekenin alǵa tarta kelip, Qazaqstan men Eýropalyq Odaq arasyndaǵy «Keńeıtilgen áriptestik jáne yntymaqtastyq týraly Kelisim» baılanysty tereńdeti úshin úlken múmkindik ekenin aıtyp, ózara tıimdi jobalardy birlese júzege asyrý bizdiń elderimizdiń saýda-ınvestısııalyq baǵytyna jańa serpin beretinin basa aıtty.
О́z kezeginde M. Kollar Qazaqstanda bastalǵan qyzý saıası naýqanǵa kóńil bólip, Tuńǵysh Prezıdent, Elbasy Nursultan Nazarbaev bastamalarynyń jalpy Eýrazııalyq keńistik úshin óte mańyzdy ekenine toqtaldy.
Kezdesý barysynda Májilis Tóraǵasy parlamentaralyq baılanysty kúsheıtýge basa nazar aýdaryp, osy oraıda, beıindi komıtetter men parlamentaralyq toptar sheńberinde is-saparlar arqyly zańnamalyq tájirıbe almasýdy odan ári yntalandyrý qajettiligin aıtty.
