Bul jóninde Qazaqstannyń Mysyrdaǵy Elshisi Arman Isaǵalıevpen kezdesý barysynda Uıymnyń Kaır qalasyndaǵy ǵylym mádenı jobalarynyń úılestirýshisi bolyp tabylatyn AML Arab zertteýler ınstıtýtynyń basshylyǵy habarlady. ALECSO kitaptarǵa óziniń logosyn qoıý quqyǵyn berýmen qosa, olardy arab memleketterinde úlestirýge qoldaý kórsetýge daıyndyǵyn bildirdi.
Málim bolǵandaı, bıyl QR Tuńǵysh Prezıdenti - Elbasy Nursultan Nazarbaevtyń bastamasy – «Rýhanı jańǵyrý» baǵdarlamasynyń sheńberinde «Zamanaýı qazaq ádebıeti jahandyq álemde» atty jobasy boıynsha qazaqstandyq 60 aqyn-jazýshynyń tańdalǵan shyǵarmalary BUU-nyń resmı alty tiline aýdarylyp, basylyp shyǵady. Árbir antologııanyń tırajy 10 myń danadan asyp túsedi.
Arab tiline aýdarylǵan shyǵarmalar jınaǵy 22 arab memleketindegi 5 myńnan astam iri ýnıversıtetterge, kitaphanalarǵa jáne zertteý ortalyqtaryna taratylady.
