Jumys toby músheleriniń málimeti boıynsha, jınaqqa HIH ǵasyr ádebıetiniń alyby, Ońtústik Qazaqstan, Syrdyń orta aǵysy men Qarataýdyń kúngeıindegi aqyndyq mektebiniń ozyq úlgisin jasaǵan Maılyqoja Sultanqojaulynyń «Ǵylym ordasy» RMK Ortalyq ǵylymı kitaphanasy, M.O. Áýezov atyndaǵy Ádebıet jáne óner ınstıtýty jáne Túrkistan Q.A. Iasaýı atyndaǵy HQTÝ Túrkologııa ǴZI qorlarynda saqtalǵan qoljazba muralary, Myrzashól, Saryaǵash, Otyrar, Ordabasy aýdandarynan tabylǵan qoljazbalary, olardyń nusqalary men versııalary tekstologııalyq saraptaýlardan ótkizilip jáne ár kezeńde jaryq kórgen kitaptary negizinde usynyldy. Bul jınaq belgili qoljazba jınaýshy, shejiretanýshy ǵalym Seıitomar Sattarovtyń uzaq jyldar boıy jınaǵan qoljazbalary negizindegi eńbek.
Jınaqtyń tusaýkeser rásiminde M.O. Áýezov atyndaǵy Ádebıet jáne óner ınstıtýty, «Qoljazba jáne tekstologııa» ǵylymı-ınnovasııa bóliminiń meńgerýshisi, fılologııa ǵylymdarynyń kandıdaty Toqtar Álbekov, zertteýshi Seıitomar Sattarov, QR BǴM ǴK «Ǵylym ordasy» RMK Bas dırektory Baýyrjan Tóltaev Tóltaıuly, QR BǴM ǴK «Ǵylym ordasy» RMK Ortalyq ǵylymı kitaphanasynyń meńgerýshisi Qarlyǵash Qaımaqbaeva Eskendirqyzy, jazýshy Smaǵul Elýbaı, «Aqıqat» jýrnalynyń bas redaktory, aqyn Amanhan Álimuly, jazýshy Mamytbek Qaldybaı, dintanýshy ǵalym Zikirııa Jandarbek , M.O. Áýezov atyndaǵy Ádebıet jáne óner ınstıtýty, «Qoljazba jáne tekstologııa» ǵylymı-ınnovasııa bóliminiń ǵylymı qyzmetkeri Nurjuma Elesbaı, tarıh ǵylymdarynyń doktory, professor Svetlana Smaǵulova, tarıhshy-ǵalym Álimǵazy Dáýlethan jáne t.b. sóz sóılep, pikirlerin ortaǵa saldy.
ALMATY
