Taldaý nátıjeleri kórsetkendeı barlyq tótenshe jaǵdaılar qaýipsizdik sharalaryn saqtamaý saldarynan bolyp otyr. Máselen, ruqsat etilmegen jerlerde shomylý, qaýipsizdik erejesin buzý, sondaı-aq balalardyń qaraýsyz qalýy jáne eresekterdiń ishimdik ishken kúıde sýǵa túsýi bolyp tabylady.
- Maýsym aıynyń birinen sýda júzý maýsymy bastalady. Osy oraıda jedel qutqarý sharalary da birinshi kezekte atqarylýy kerek. «Sýda qutqarý stansııasyn» salý týraly usynysymyz bar. Qazirgi tańda jobaǵa qarajat bólý jaǵy qarastyrylyp jatyr. Bastysy, halyqtyń qaýipsizdigi ǵoı, qoldaý tabady degen úmittemin, dedi óńirlik kommýnıkasııalar qyzmeti alańynda ótken brıfıngte Mańǵystaý oblystyq tótenshe jaǵdaılar departamenti basshysy, azamattyq qorǵaý polkovnıgi Kýanar Bekenuly.
Oblys aýmaǵynda Kaspıı teńizi mańynda jazǵy demalyska arnalǵan 30 bólimshe bar. Oǵan Aktaý qalasy jáne «Kendirli» demalys aımaǵyndaǵy bazalar, jaǵajaı aımaqtary, balalar lagerleri kiredi. Aldaǵy ýaqytta óńirde teńizde qaýipsizdikti qamtamasyz etý úshin MO tótenshe jaǵdaılar departamenti jedel qutqarý jasaǵynyń 4 qutqarý bólimshesi jumys jasaıdy. Olar Aqtaý qalasy, Kendirli demalys bazasynda, Túpqaraǵan aýdany jáne Quryq selosynda ornalasqan.
Mańǵystaý oblysy
