Shara barysynda etnomádenı birlestik ókilderi men Mańǵystaý oblysy QHA músheleri jáne elimizdiń ár qalasynan jınalǵan «Qazaqstan kárister Qaýymdastyǵy» músheleri jas urpaq bilýi tıis esimi el esinde saqtalǵan qaıratkerlerdiń biri, qarapaıym jumysshydan memleket qaıratkeri dárejesine deıin kóterilgen tulǵa Jalaý Myńbaev eskertkishine gúl shoqtaryn qoıdy. Sonymen qatar, Dostyq úıinde «Nasledıe Velıkoı stepı» ı «Koreıskıe motıvy» atty kórme ótti. Kórmege «MartArt» jáne taǵy da basqa óner stýdııalarynyń kórnekti kartınalary qoıyldy.
«Choson» etnomádenı birlestiginiń tóraıymy Raısa Madenova kórmedegi óner týyndylarynyń máni men maǵynasyn tanystyrdy. Kórme barysynda qonaqtarǵa qazaqtyń ulttyq taǵamdary baýyrsaq pen shubaty usynyldy. Qonaqtar keremet dastarhan men qonaqjaılyqqa rıza boldy, óz alǵystaryn aıtty.
«Qazaqtaný» jobasy aıasynda qazaqtyń salt-dástúriniń biri «Tusaýkeser» uıymdastyrylǵan bolatyn, qurmetti qonaq «Qazaqstan kárister Qaýymdastyǵy» tóraǵasy Ogaı Sergeı Gennadevıch 1 jasqa tolǵan qazaq balasynyń tusaýyn kesip, táı-táı basqan búldirshinge aq tilegin arnady.
