Jýyrda JHL-dyń resmı saıtynda 2018/19 jyldardaǵy maýsymnyń eń úzdik bapkeri ataǵynan úmitkerlerdiń tolyq tizimi jarııalandy. Solardyń arasynda Qaraǵandynyń «Saryarqa» klýbynyń bas bapkeri Leonıd Tambıev te bar.
48 jastaǵy Latvııanyń týmasy kezinde myqty oıynshy boldy. О́z elinde, Danııa, Fınlıandııa, Reseı, Shveısarııa, Italııa jáne Avstrııanyń túrli komandalarynda óner kórsetti. 1993-2007 jyldar aralyǵynda Latvııa quramasy sapynda eki Olımpıadaǵa, 11 álem chempıonatyna qatysty. 2010 jyldan beri bapkerliktiń qamytyn kıip, «Rıga» jáne «Dınamo» (Sankt-Peterbýrg) klýbtaryn jattyqtyrdy. 2015/16 jyldardaǵy maýsymda Qaraǵandynyń «Saryarqasyn» jattyqtyrdy. Byltyr osy komandaǵa qaıta oraldy. Nátıjesi keremet boldy. О́tken maýsymda jerlesterimiz JHL-daǵy eń beldi ataq – Petrov kýbogyn oljalady. Sol sebepti de aıtýly birinshiliktiń eń úzdik bapkeri ataǵy Leonıd Tambıevke tabystalsa, esh tańdanbaımyz.
«Saryarqanyń» bas bapkeri Leonıd Tambıevten bólek, osy ataqtan úmitkerler tiziminde Mıhaıl Kraves («SKA-Neva»), Rýslan Sýleımanov («Toros»), Mıhaıl Zvıagın («Rýbın») jáne Ilnýr Gızatýllın («Neftıanık») syndy mamandar bar.
