Halyqaralyq dıalog alańyn Qazaqstan Respýblıkasy Tuńǵysh Prezıdenti - Elbasy qorynyń qoldaýymen Abaı atyndaǵy QazUPÝ, Sorbonna-Qazaqstan ınstıtýty jáne «Astana» halyqaralyq qarjy ortalyǵy uıymdastyrdy.
Halyqaralyq dóńgelek ústel jumysyna QazUPÝ rektory Takır Balyqbaev, Qazaqstan Respýblıkasy Tuńǵysh Prezıdenti - Elbasy qorynyń atqarýshy dırektorynyń orynbasary, Qazaqstan Respýblıkasynyń Eýropa Keńesindegi Venesıandyq Komıssııanyń múshesi Igor ROGOV, «Astana» Halyqaralyq qarjy ortalyǵynyń ıslamdyq qarjylandyrý boıynsha dırektory, Halyqaralyq arbıtraj ortalyǵy arbıtrler kollegııasynyń múshesi, ıslamdyq qarjylandyrý boıynsha Konsýltatıvtik keńesiniń múshesi Sheıh Bılal Han, D.A. Qonaev atyndaǵy Eýrazııalyq zań akademııasynyń rektory О́miráli Jalaırı, Fransııa elshiliginiń attashesi, Sorbonna-Qazaqstan ınstıtýtynyń qosalqy dırektory, halyqaralyq qatynastar salasynyń mamany Jıl Mamets, Sorbonna-Qazaqstan ınstıtýtynyń dırektory Aınur Sábıtova, Almatydaǵy joǵarǵy oqý oryndarynyń ǵalymdary, qarjy jáne quqyq salasyndaǵy Fransııa Respýblıkasynyń mamandary, Fransııa-Qazaqstan Saýda-О́nerkásip Palatasy, maman sarapshylar jáne ýnıversıtettiń professor-oqytýshylar quramy men doktoranttary qatysty.
Rektor Takır Balyqbaev halyqaralyq dıalog alańyndaǵy talqylanatyn ózekti máselelerdi atap, olardyń quqyq jáne halyqaralyq quqyq salasyndaǵy jetistiktermen bólisýde, bilimderin zertteýde jáne tájirıbelermen almasýda beretin orasan zor múmkindikteri týraly aıtty.
«Biz «Astana» Halyqaralyq qarjy ortalyǵymen birlese otyryp, QazUPÝ bazasynda bir aı buryn arnaıy ortalyq qurdyq, onda stýdentter quqyqtyq jáne qarjylyq máseleler boıynsha keńes alady. Biz jańa aqparattyq alań bolýǵa daıynbyz jáne ony iske asyrý jáne taratý, yntymaqtastyqty damytý úshin sizdermen birge jumys isteımiz. «Cases law» ortalyǵynda basqa joǵary oqý oryndary osy múmkindikti paıdalana alady», - dedi ýnıversıtet rektory.
Dóńgelek ústel jumysynda aǵylshyn jalpy quqyǵynyń artyqshylyǵy jáne «Astana» halyqaralyq qarjy ortalyǵynyń tájirıbesi, qarjylyq tehnologııalar-máseleler jáne múmkindikteri, «Astana» HQO men Sorbonna-Qazaqstan ınstıtýtynyń birlesken jumysynyń nátıjesi, Qazaqstan Respýblıkasyndaǵy shetel bankterindegi baqylaýdyń komplaens qyzmetin quqyqtyq retteýdiń negizderi jáne Eýropa qurlyqtyq quqyq júıesi bar memleketterde presedenttik quqyqty ımplementasııalaý máselesi talqylandy.
Halyqaralyq dıalog alańynda Igor Rogov (Eýropalyq qurlyqtyq quqyq júıesi bar memleketterde presedenttik quqyqty ımplementasııalaý máselesi»), Sheıh Bılal Han ( «Aǵylshyn jalpy quqyǵynyń artyqshylyǵy jáne «Astana» HQO tájirıbesi»), «Deloitte» Mámilelerdi júzege asyrý jónindegi menedjer Baýyrjan Shalbaev («Deloitte» Mámilelerdi júzege asyrý jónindegi menedjer), Wooppay halyqaralyq tólem júıesiniń negizin qalaýshy Aleksandr Doroshenko («Fintech Wooppay ekojúıesi»), «Refinitiv» bıznesti damytý boıynsha aımaqtyq menedjer Edýard Kan («Astana» HQO men Sorbonna-Qazaqstan Instıtýtynyń birlesken jumysynyń nátıjesi. Eikon aqparattyq –termınaldy engizý»), ál-Farabı atyndaǵy QazUÝ-dyń zań fakýltetiniń dekany Daýlet Baıdeldınov («Qazaqstan Respýblıkasyndaǵy shetel bankterindegi baqylaýdyń komplaens qyzmetin quqyqtyq retteýdiń negizderi»), D.A. Qonaev atyndaǵy Eýrazııalyq zań akademııasynyń professory Orazbaı Samatov («English Law Qazaqstan Respýblıkasynyń quqyqtyq júıesi») baıandama jasady.
Kezdesý barysynda qatysýshylar talqylanatyn taqyryp boıynsha suraqtar qoıyp, pikirlerimen almasty.
