Sharaǵa oblys ákimi Eraly Toǵjanov, memlekettik mekeme basshylary, etnomádenı birlestikterdiń ókilderi, jastar jáne jergilikti turǵyndar qatysty. Resmı derekter boıynsha oblysta 1929 jyldyń basynda 35 myń turǵyn, 1,5 mıllıondaı mal basy bolǵan. Al, 1939 jyldyń sońynda ólkemizde bar joǵy 26 myń adam, 25 myńǵa jeter-jetpes mal qalǵan. Qanshama otbasylardyń oty sónip, analar jesir, balalar jetim qaldy. Sol kezeńderde týǵan eliniń erkindigi jolynda kúresken Jalaý Myńbaev, Tobanııaz Álnııazuly, Alshyn Meńdalıev, Jóke Shabaev, Nursultan Ońǵalbaev, Orazmaǵanbet Turmaǵanbetuly, Zulqash Baımyrzaev sııaqty tulǵaly azamattarymyz totalıtarlyq rejımniń qurbany boldy.
-Tarıhymyzǵa óshpes iz qaldyrǵan bul jyldardyń kórinisin ótkenimizge salaýat, búginimizge qanaǵat etý úshin jadymyzdan shyǵarmaýǵa tıispiz. Elbasy N.Nazarbaev «Tarıhymyzdyń qasiretti betteri, saıası qýǵyn-súrgin jáne asharshylyq qurbandary árqashan bizdiń jadymyzda jáne ony umytpaý bizdiń qasıetti boryshymyz» degen bolatyn. Olardyń búginde aty aqtalyp, esimderi men erlikteri urpaqtarynyń sanasynda máńgilik jańǵyryp, tarıhta qaldy. Osy jerde aramyzda sol zulmat ýaqyttyń kýágerleri de bar. Olardyń taǵdyry – aýyr taǵdyr. Olar qıynshylyqqa moıymaı, urpaǵyn aman-esen bostandyqqa jetkizýge at salysty. Sizderge de alǵysymyz ben rızashylyǵymyz sheksiz, dedi aımaq basshysy.
