Ujymnyń tarıhy 1964 jyldan bastaldy. Ol kezde jas qalaǵa Keńes Odaǵynyń túrli bólikterinen kelgen jas mamandar ózderiniń ulttyq ánderin, mýzykasyn jáne bılerin ákeldi.
Ansamblde úlken shyǵarmashylyq ómirbaıan
bar. Bı tobynyń birinshi jetekshileri Valerıı Djanjolııa, Oleg Bekoev, Vıktor Bocharnıkov,
Alık Dýmanovskıı, Iýrıı Osokın, Vıacheslav Mıtrofanov, Lıdııa Meıder bolyp keldi. 1996
jyldan qazirgi ýaqytqa deıin ansambldy Tamara Ivanovna Dýmanovskaıa basqarady. Ol
bul salada kóptegen urpaqtar legin
tárbıelep shyǵardy. 1981 jyly ansamblge jemisti eńbegi úshin «Halyqtyq» ataǵy
berildi.
«Altaır» ansambli kóptegen konkýrstar men festıvalderdiń laýreaty. Ansambldiń repertýarynda TMD jáne álemniń ártúrli elderiniń bıleri bar.
- Bı arqyly ár halyqtyń tabıǵatyn, minezin tanyp, bilýge bolady. Bul bizge elimizde turatyn túrli ulttyń mádenıetimen jaqynyraq tanysýǵa múmkindik beredi. Bizdiń ujymdy Qazaqstan halqy Assambleıasynyń shaǵyn kóshirmesi deýge bolady. Ýkraınder ózbektiń, kárister tatardyń bıin joǵary sheberlikpen oryndaı alady. Ansambl bizdiń qalamyzdyń kóptegen konsertteri men merekeleriniń qatysýshysy, sondaı-aq jyl saıynǵy respýblıkalyq baıqaýyna qatysady, deıdi ujym jetekshisi.
Kóp jyldar boıy ansambl aýdan men oblystyń barlyq kentterin konserttermen aralap qaıtty.
Ansambl repertýarynda 30-dan astam álem halyqtarynyń bıi, qazirgi zamanǵy, sıýjettik bı, hoeografııalyq sýretter bar. Ansambl birneshe ret oblystyq sahnada óner kórsetip, oblystyq baıqaýdyń qorytyndy konsertterine qatysty. Halyqaralyq, respýblıkalyq, oblystyq festıvalder men konkýrstardyń laýreaty jáne dıplomanty.
55 jyl boıy «Altaır» halyqtyq bı ansambli eń turaqty, eń jarqyn ujym bolyp tabylady. Mereıtoılyq konsertte Mańǵystaý oblysy Qazaqstan halqy Assambleıasy Hatshylyǵynyń meńgerýshisi G.Ismýrzına Mańǵystaý oblysy Qazaqstan halqy Assambleıasynyń tóraǵasy E. Toǵjanovtyń atynan quttyqtap, alǵys hatyn tartý etti.
Mańǵystaý oblysy mádenıet basqarmasy bastyǵynyń orynbasary A.Nurdáýletov T.Dýmanovskaıany mádenıet salasynyń damýyna erekshe úles qosqan, eldiń mádenıetin damytýdaǵy uzaq jylǵy eńbegi men jeke úlesi, mádenıet salasyn jetildirýge belsene qatysqany, mádenıet júıesinde ınnovasııalyq qyzmeti úshin «Mádenıet salasynyń úzdigi» tósbelgisimen marapattady.
Ýkraın etnomádenı birlestiginiń tóraıymy Tatıana Lesnıchenko Ýkraınanyń Qazaqstandaǵy elshisinen Tamara Dýmanovskaıaǵa quttyqtaý hatyn tabys etti.
Konserttiń baǵdarlamasynda kórermender ýkraınalyq gopak, orys bıi «berezka», polleskaıa kadrıl atty ádemi bılerdiń kaleıdoskopyn kórdi. Qyrǵyz, ýkraın, tatar jáne belorýs bıleri syǵandar, moldova jáne kavkaz bılerin asqan sheberlikpen oryndap, kórermenderdin zor yqylasyna ıe boldy.
