48 kılo salmaq dárejesinde beldesken Aqmaral Naýatbek pen Ǵalııa Tynbaevanyń óneri erekshe súısintti. Bastapqy eki básekede qarsylastaryn aıqyn basymdyqpen utqan qazaqtyń qos qyzynyń joly jartylaı fınalda qıysty. Bul tartys Naýatbektiń paıdasyna sheshildi. Odan keıin fınalda brazılııalyq Laýra Fereırany utqan Aqmaral altynnan alǵa taǵynsa, ulybrıtanııalyq Sıan Bobrovskaıadan basym túsken Ǵalııa qola medaldi moınyna ildi.
Uldar arasynda 60 kılo salmaqta kúresken Bolat Bilál vengrııalyq, fransııalyq, brazılııalyq, ázirbaıjandyq jáne reseılik balýandardy tegisteı utyp, fınalǵa shyqty. Sheshýshi tusta qandasymyz Brazılııanyń taǵy bir myqty dzıýdoshysy Renan Torresten utyldy. Sol sekildi 66 kılo salmaqta kúsh synasqan Ermek Amankeldi de bastapqyda bes birdeı qarsylasyn qapy qaldyrǵanymen, aqtyq aıqasta japonııalyq Iýdjı Aıdaǵa onyń áli jetpedi.
