Sport • 04 Maýsym, 2019

Fýtboldan klýbtyq álem chempıonaty Katarda ótedi

950 ret
kórsetildi
1 mın
oqý úshin

Keshe Fransııanyń astanasy – Parıjde ótken FIFA keńesiniń sheshimi boıynsha 2019 jáne 2020 jyldardaǵy klýbtyq álemniń chempıonattaryn Katar eli qabyldaıtyn boldy.

Fýtboldan klýbtyq álem chempıonaty Katarda ótedi

Aıtýly jarystyń tusaýy 2000 jyly kesilgen edi. Sol kezden beri jer jahannyń eń úzdik komandalary 15 márte bas qosyp, ózara básekede bas júldeni sarapqa saldy. Sol dúbirli dop dodalarynda Ispanııanyń qos grandy – «Real Madrıd» pen «Barselonanyń» ózgelerden mysy basym boldy. Koroldik klýb tórt márte teńdessiz dep tanylsa, katolonııalyqtar úsh ret qarsylas shydatpady. Brazılııanyń «Korıntıansy» eki jarysta top jarsa, «San-Paýlý» men «Internasonal» (Brazılııa), «Mılan» men «Inter» (Italııa), «Manchester Iýnaıted» (Anglııa) jáne «Bavarııa» (Germanııa) klýbtary bir-bir retten dál sondaı qurmetke bólendi.

FIFA tarapynan bekitilgen jańa ereje boıynsha 2021 jyldan bastap klýbtyq álem chempıonatyna qatysýshy sany jetiden 24 komandaǵa deıin kóbeıedi.