Ýnıversıtettiń qurylys tobynda 20 jaýynger bar. Al BQMÝ-dyń 120 adamdyq «Jasyl el» komandasy 2001 jyldan beri respýblıkalyq deńgeıde únemi bıikten kórinip, talaı márte «Úzdik komanda», «Úzdik sarbaz», «Úzdik sardar», «Úzdik ýnıversıtet» ataqtaryn jeńip alǵan. Bıyl da jaz aıynda eńbek etip, oblys ortalyǵyn abattandyrǵaly otyrǵan jas jaýyngerlerge Batys Qazaqstan oblystyq jastar saıasaty máseleleri basqarmasynyń bas mamany Ádilgereı Zulharov, Jastarmen jumys jónindegi resýrstyq ortalyǵy basshysynyń mindetin atqarýshy Alfııa Jaqsyǵalıeva, Oral qalasy aqparattyq taldaý jáne jastarmen jumys jónindegi resýrstyq ortalyǵynyń basshysy Bolatbek Sahıev kelip, eńbek maýsymyna aq jol tiledi.
2019 jyl – Jastar jylynda Mahambet О́temisuly atyndaǵy Batys Qazaqstan memlekettik ýnıversıteti Akkredıtasııa jáne reıtıng Táýelsiz agenttiginiń sheshimimen (NAAR) halyqaralyq ınstıtýsıonaldyq akkredıtasııadan tabysty ótti. Agenttik sheshimi 7 jylǵa jaramdy. 90 jyldyq tarıhy bar, búginge deıin 70 myń mamandy túletken qara shańyraqtyń halyqaralyq deńgeıde tanymal bolǵan habaryn estigen stýdentter qýana qol soqty.
Stýdent jastardyń jazǵy eńbek maýsymyna shyǵýyna arnalǵan saltanatty jıynǵa ardager ustazdar Jubanyshqalı Járdemov, Vladımır Salov, Abat Qydyrshaev qatysyp, jastardyń jańa maıdanyna tabys tiledi.
Sýretti túsirgen Rafhat Halelov
Batys Qazaqstan
