Jazǵy demalysty uıymdastyrýda áleýmettik qoldaýǵa zárý otbasylardyń balalaryna erekshe qoldaý kórsetilip, 16 myńǵa jýyq balaǵa tegin joldamalar berilmek. Iаǵnı, bıylǵy jazda da «Balaǵa joldama syılaıyq!» atty shara óz jalǵasyn tabady. О́ńirdegi demeýshiler men mesenattardyń kómegimen balalarǵa jalpy quny 21,8 mıllıon teńge turatyn 358 joldama beriledi dep josparlanýda.
Ekibastuzdaǵy «Bogatyr Kómir» JShS 12,6 mıllıon teńgege 200 joldama, «GRES-2» AQ stansasy 3,1 mıllıon teńgege 50 joldama, «GRES-1» AQ 1,1 mıllıon teńgege 50 joldama, «Qazhrom» AQ fılıalynyń Aqsý ferroqorytpa zaýyty 1,5 mıllıon teńgege 30 joldama berdi.
Oblystaǵy «Jasyl jelek» ekologııalyq jobasy barysynda «Árbir mektep aýlasy – gúldengen baq» bastamasy boıynsha da muǵalimder, oqýshylar, ata-analar birlese iske kirispek.
– Bul balanyń eńbekke, kásipke degen qyzyǵýshylyǵyn qalyptastyratyn mańyzdy kezeń. Sondyqtan balalardyń jumysqa ornalasýyna barynsha kómektesý qajet, – deıdi bilim basqarmasynyń basshysy Dinıslam Bolathanuly.
Jyldaǵydaı Baıanaýyldaǵy oblystyq «Jas dáýren» oqý-saýyqtyrý ortalyǵynyń «Qazaq-camp» atty maýsymy bastalady. «Týǵan ólke saıasynda» etnokrýız jobasyna qatysýshy jas aqyndar, mýzykanttar, sýretshiler óńirdiń kıeli jerleri boıynsha jolǵa shyǵady.
