«Batys» óńirlik qolbasshylyǵynyń baspasóz qyzmetinen kapıtan Rýstem Igısınovtiń aıtýynsha, bıylǵy jyly memlekettik rámizder kúni jańa oqý kezeńiniń bastalýymen tuspa-tus keldi. Bul kúni Batystyń barlyq áskerı bólimderinde saltanatty mıtıngter men is-shalar uıymdastyryldy.
Aqtóbe qalasyndaǵy 30238 áskerı bóliminde áskerı qyzmetshiler dóńgelek ústel ótkizse, Aqtaýdaǵy 25744 jáne Atyraýdaǵy 41321 áskerı bólimderinde memlekettik rámizderdiń jeke quramnyń aldyna shyǵarylýy uıymdastyryldy. Mıtıngte bólim komandırleri jeke quramǵa memlekettik rámizderdiń tarıhyn, mánin jáne olarǵa qatysty erekshe derekterdi jetkizdi. Mıtıng sońynda jeke quram rámizderdiń aldynda saptyq sherýmen ótip shyqty.
- Bizderde uly da, maǵynasy zor Eltańbamyz, Týymyz ben Ánuranymyz bar. Olar - elimizdiń ulttyq qundylyǵy jáne maqtanyshy. Áskerı adamdar úshin memlekettik rámizder Otanymyzdyń birden-bir atrıbýty bolyp sanalyp, erekshe qurmetteledi. Bizdiń árbir mańyzdy is-sharamyz memlekettik Ánurandy oryndaýmen bastalsa, saptyq alańdaǵy týdyń kóterilýi tek eń úzdik áskerı qyzmetshilerge buıyrady, dedi 25744 áskerı bóliminiń komandıri gvardııa podpolkovnıgi Murat Arapbaev.
