Is-sharaǵa Agenttiktiń Mańǵystaý oblysy boıynsha departamentiniń basshysy Nurgúl Jannazarova, AQSh-tan kelgen qonaqtar Lı Hedlston, Greıdı Vogan, Djo Ýılson, Den Dýong, Djosh Dıýfo jáne jobanyń qazaqstandyq úılestirýshisi Elena Feoktıstova, aýmaqtyq departament qyzmetkerleri, «Mańǵystaý – adaldyq alańy» jobalyq keńsesiniń menedjerleri, óńirdegi aǵylshyn tilin meńgergen jas memlekettik qyzmetshiler jáne jergilikti buqaralyq aqparat quraldarynyń tilshileri qatysty.
Aıta ketý qajet, kezdesýge elimizdiń Premer-Mınıstriniń resmı delegasııasy quramynda óńirimizge issaparmen kelgen bilim jáne ǵylym vıse-mınıstri Fatıma Jaqypova, mádenıet jáne sport vıse-mınıstri Aqtoty Raımkýlova da at basyn burdy.
Departament basshysy N.Jannazarova óz sózinde Agenttiktiń bastamasymen qolǵa alynǵan sybaılas jemqorlyqqa qarsy is-qımyl baǵytyndaǵy «Mańǵystaý – adaldyq alańy», «Sanaly urpaq», Protecting business and investments jobalary jaıynda baıandap, turǵyndarmen keri baılanys mehanızmderin jetildirý týraly aıtty.
Amerıkandyq áriptesterdiń issapar maqsaty AQSh Memlekettik departamenti janyndaǵy Fulbright halyqaralyq bilim berý baǵdarlamasynyń aıasynda qazaqstandyq joǵary oqý oryndary stýdentterine tildik orta qalyptastyrý. Oqytýshylar bir jyl boıy otandyq ýnıversıtetterde, ıaǵnı Almaty, Shymkent, О́skemen jáne Pavlodar qalalarynda jumystaryn atqaryp, Aqtaý qalasyndaǵy joǵary bilim ordasynyń bilim berý úrdisimen tanysyp, basa nazardy stýdentterdiń shet tilderin meńgerýine aýdardy.
Kezdesý barysynda sheteldik meımandar Qazaqstandaǵy zamanaýı sybaılas jemqorlyqqa qarsy saıasatyna qatysty óz kózqarastarymen bólisti, atap aıqanda «Jemqorlyqtan ada óńirler» jobasyna qyzyǵýshylyqtaryn bildirdi. Spıkerlerdiń aıtýynsha, AQSh-tyń oqý oryndarynda akademııalyq adaldyq deńgeıin anyqtaý maqsatynda stýdentter arasynda áleýmettik saýalnama ádisine kóp kóńil bólinedi. Sonymen birge, turǵyndar tarapynan shaǵymdar túsken jaǵdaıda, árbir shtattaǵy organdar jedel túrde azamattardyń ótinishterine áreket etedi.
Sybaılas jemqorlyqqa qarsy is-qımyldyń halyqaralyq tájirıbesine shetel sarapshylardyń pikirlerin memlekettik qyzmetshilerge keńirek tanystyrý maqsatyndaǵy is-sharalar aýmaqtyq departament tarapynan odan ári jalǵasatyn bolady.
