Al búgin testileýden ótken 13 úmitkerdiń 12-si konkýrstyń óńirlik komıssııasymen áńgimelesý kezeńinde baq synady.
Áńgimelesý kezinde, qatysýshylardyń saýalnamadaǵy málimetteri, jazylǵan ýájdemelik esseniń sapasy, jarııalymdary men marapattarynyń bary, ǵylymı ataǵy men dárejesi, «A» korpýsy qyzmetshileriniń kadrlyq rezervine tirkelý faktisi, sporttyq jáne qoǵamdyq qyzmeti nazarǵa alynady. Sonymen qatar, konkýrsqa qatysýshylardyń jeke jobalyq jumystary baǵalanady.
Jeke jobalyq jumysta memlekettik organdar qyzmetiniń tıimdiligin arttyrý boıynsha ekonomıkalyq nemese áleýmettik áseri baǵalanǵan jańartý usynystary bolýy tıis. Jańartylǵan usynys naqty, dáıekti jáne buryn tájirıbede bolmaǵan, qoldanysta joq oıdy usynýy mańyzdy, qoldanystaǵy ártúrli tájirbıeler baǵalaýǵa jatpaıdy.
О́ńirlik komıssııa 9 adamnan jáne hatshydan turady, onyń quramy oblys atynan respýblıkalyq deńgeıge shyǵatyn úzdik memlekettik qyzmetshini baǵalaýǵa jáne anyqtaýǵa quzyrly memlekettik organdardyń, qoǵamdyq birlestikterdiń, úkimettik emes uıymdardyń, buqaralyq aqparat quraldarynyń ókilderi, táýelsiz sarapshylar jáne ózge tulǵalar qatarynan qalyptasady. Oblystyń úzdik memlekettik qyzmetshisin anyqtaýda konkýrs múshelerine negizgi jaýapkershilik júktelgen.
Qatysýshylardyń jobalyq jumystaryn baǵalaý komıssııa músheleri úshin de ońaıǵa soqpady. Degenmen, 12 úmitkerdiń ishinen 7-eýi úzdik dep tabylǵan Mańǵystaý oblysy bilim basqarmasynyń mektepke deıingi jáne jalpy orta bilim berý bóliminiń basshysy Klara Kýlataeva, Munaıly aýdandyq jumyspen qamtý jáne áleýmettik baǵdarlamalar bóliminiń sektor meńgerýshisi Kesıkbaeva Raýshan, Mańǵystaý oblysy ákimi apparaty basshysynyń orynbasary Asel Balmanova, Qazaqstan Respýblıkasy Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamentiniń bas mamany Erbol Jumabaı men Janna Shyrtanova jáne qatysýshylardyń ishindegi eń jas memlekettik qyzmetshi, Mańǵystaý oblysynyń ındýstrııalyq-ınnovasııalyq damý basqarmasynyń bas mamany Talgat Sahtaganov, Aqtaý qalalyq kásipkerler jáne ónerkásipti damytý bóliminiń sektor meńgerýshisi Nurseıit Aıladyr «Úzdik memlekettik qyzmetshi» konkýrsynyń fınaldyq kezeńine, ıaǵnı respýblıkalyq deńgeıine daıyndalatyn bolady.
