Aımaqtar • 05 Maýsym, 2019

Aqtaý aılaǵyna Reseıdiń «Brıllıant» kemesi keldi

1314 ret

kórsetildi

1 mın

oqý úshin

Qazaqstan, Ázerbaıjan Respýblıkasy jáne Reseı Federasııasy Kaspıı teńizinde kontrabandamen jáne zańsyz kóshi-qonmen kúresti uıymdastyrý, sondaı-aq aıdynnnyń bıoresýrstaryn qorǵaý maqsatynda birlesken jedel-profılaktıkalyq sharalardy júrgizýdi qolǵa alǵan. Jylyna eki ret ótkiziletin shara aıasynda Aqtaý aılaǵyna at basyn tiregen dostyq kemesiniń ekıpajy teńizdegi kórshilerimen, áriptesterimen birge ortaq másele, ıaǵnı Kaspıı teńizin qorǵaý máselesi boıynsha birlesken jedel-profılaktıkalyq sharalardyń qorytyndysyn shyǵarmaq.

Gúlaıym DÁÝITBAI

Aqtaý aılaǵyna Reseıdiń «Brıllıant» kemesi keldi

Birlesken shara nátıjesiz emes. QR UQK ShQ Jaǵalaý kúzeti basqarmasy basshysynyń orynbasary T.Tórebaevtyń aıtýynsha, shara barysynda Qazaqstanda 117 adam shekara buzǵany úshin ustalsa, 163 125 metr aý, 76 195 ilmekti qorap, ártúrli brakonerlik qural-jabdyqtar tárkilengen jáne 60-qa jýyq qaıyq túrleri men ózge de quraldar tabylǵan. Sonymen qatar, qaskóıler qoldarynan qutqarylǵan 1000-ǵa tarta bekire tuqymdas balyq teńizge jiberilgen. Eki aıda atqarylǵan sharalardyń nátıjesinde kinálilerge 2 347 650 mln teńge aıyppul salynǵan.

Delegasııany Reseıdiń FQQ shekaralyq basqarmasynyń basshysy, general-leıtenant A.Býerov jáne basqarma basshysynyń orynbasary, kontr-admıral V.Ignatenko bastap keldi.

О́z kezeginde qazaqstandyq shekarashylar «Sarbaz» shekara kemesimen Ázerbaıjanǵa, jaz aılarynda Daǵystan respýblıkasynyń Mahachkala qalasyna baryp, qaskóılerdi aýyzdyqtaýǵa atsalyspaq.