Qazirdiń ózinde kúlli əlemniń 220 sportshysy aıtýly dodaǵa tirkelip úlgergen eken. Jetisý óńiriniń eń kórikti jerlerimen ótetin osy jarysty Almaty oblystyq velosport federasııasy uıymdastyryp otyr.
«GRAND FONDO» - əlemdegi eń tanymal jəne bedeli asa zor shosse saıysy. Aıtýly jarysta kəsipqoılardan bastap, əýesqoılarǵa deıin óner kórsete alady. Jyl saıyn "GRAND FONDO" dodasy ondaǵan memleketterde ótedi. Sol bəsekelerde eń úzdik nətıje kórsetkender jeńimpaz bolyp tanylady.
«GRAND FONDO» velojarysynyń tusaýy osydan 100 jyl buryn Italııada kesilgen. Keıinnen ol əlem jəne Eýropadaǵy eń bedeldi bəsekege aınaldy. Al «Tour of Zhetysu» - osy ólkeniń eń kórikti jerlerimen tanysýǵa múmkindik beretin ımıdjdik joba. Osy jobanyń arqasynda kóptegen əýesqoılar oblys aýmaǵynda boıynsha ózderine yńǵaıly túrli baǵyttardy aıqyndady.
Taıaý kúnderi ótetin velojarysqa nıet bildirgender adamdardyń barlyǵy jəne oblystyq, aımaqtyq jəne halyqaralyq komadalar men klýbtar qatysa alady. Qatysýshylardyń jasy 19-den joǵary bolýǵa tıis.
