High-tech: Sulýlyq ındýstrııasyndaǵy 5 úrdis

L'Oreal fırmasy byltyr sulýlyq salasynda álem­dik kóshbasshy bolý­dy maqsat etpeıtinin má­lim­­degen kezde, sulýlyq ındýstrııasyndaǵy sala­lyq ózgeristerdi aıqyn baı­qatqan bolatyn. «Sońǵy 30-40 jylda kos­me­­tı­ka­lyq ónimderge qa­tys­ty áıelderdiń sura­nys­tary ózgergen joq, biraq endi jańa tehnologııa­lar neǵurlym talǵampaz tuty­ný­shyny qalyptastyrdy, – deıdi L'Oreal fırmasynyń tehno­lo­gııalyq bólimshesiniń vıse-prezıdenti Gıv Balýh. 

Sony­men bul saladaǵy tehno­­logııalyq damýdyń ozyq jańalyqtary qandaı?

1. Derbestik jáne jasandy ıntellekt

Gıv Balýhtyń aıtýyn­sha, áıelderdiń teń jartysy teri túsine saı reń taba almaıtyndaryna shaǵym­da­na­dy. Al bıdaı óńdi, qara qyzdar úshin tańdaý erki tipti shekteýli. Máselen, Lancome kompanııasynyń Le Teint Particulier skaneri 20 myń tonaldy krem usy­na­dy. Alaıda osynsha myń san kremdi dúkenderde bir ýaqytta ustaý múmkin emes. Osy olqylyqtyń ornyna atalǵan fırma Teint Particulier dep atalatyn arna­ıy apparatty usynyp otyr. Ol qolma-qol teri reńine saı jasandy ıntellekt algorıtmin qoldana oty­ryp, kremniń tústik gam­masyn anyqtap beredi. Alyn­ǵan derekter óńdelip, qajetti tús tańdalady. Krem resebi birden mashı­na­ǵa be­rilip, dúkende qajetti tús­ter aralastyrylady. Tıim­diligi jóninen satyp alýshy­larǵa unap ta jatyr, áıtkenmen baǵasy da bar­shy­lyq.

2. Vırtýaldy boıaný

Onlaın-dúkender yń­ǵaı­­lylyq úshin qosymsha naqty­lyq tehnolo­gııa­la­ryn qoldanysqa shy­ǵar­dy. DM nemis dúkeni vırtýaldy makııaj baǵ­dar­lamasyn usyndy. My­sa­ly, Sephora fırmasy qoldanatyn Virtual Artist baǵdarlamasy klıentterge smartfondardyń kómegimen erin dalabynyń myńdaǵan túrin tańdaýǵa kómektesedi. Qoldanba teri qurylymyna saı sheshim qabyldap, bet álpetińizge qona ketetin boıaý­lar­dy dereý anyqtaıdy. 2016 jyly Virtual Artist qosym­sha­symen 200 mıllıonnan astam klıent tájirıbeden ótken.

3. «Aqyldy» kútim

Bet kútimin baǵalaý úshin kompıýterge qanshalyqty senesiz? Taıvandyq New Kinpo Group fırmasy ja­sa­ǵan HiMirror quryl­ǵy­sy «aqyldy aına» bolýǵa talpynady. Qurylǵyny iske qossańyz bolǵany, betti sýretke túsirip, ájimder men daqtar, qurǵaqtyq pen sezimtaldyq deńgeıin anyqtap beredi. Shektik shkal­a boıynsha baǵalap, kosme­tıka tańdaýda jekelegen keńester usyna alady. Tehnıkanyń aty tehnıka, tolyqtaı sene berýge de bolmas, dese de belgili bir shamada paıdaly ekeni ras.

4. 3D makııaj

Erte me, kesh pe vızajıst robottardyń shyǵatyny rasqa aınalatyndaı. Bıyl Las-Vegastaǵy tutynýshy elektronıkasy kórmesinde tanystyrylǵan Proctor and Gamble fırmasynyń Opté 3D qurylǵysy kópshilikti tań-tamasha etti. Ereksheligi sol, sekýndyna 200 kadr túsiretin shaǵyn kamerasy arqyly bet terisin birkelki skanerleı otyryp, mıkroprınter sizdi áp-sátte boıandyryp beredi. Mıkroprınterdiń dáldigi sonshalyqty, salystyrmaly shyǵyn meılinshe az jumsalady. Buıymnyń jappaı óndirisi 2020 jylǵa qaraı josparlanyp otyrǵanyn eskersek, vızajısterdiń qazirden bastap ózge salada izdene bergeni durys pa deısiz.

5. Vırtýaldy  kosmetıka

Keń tanylǵan vır­týaldy kosmetıka eshkimdi tańǵaldyrmaıtyn boldy. Áýelden solaı bolýy tıisteı, áleýmettik jeli­lerde qalaǵan obraz­da «boıanyp», dúr silkinip shyǵa keletinder kóp. Iаǵnı, burynǵydaı bar ónerińizdi salyp boıanýdyń, shashyńyz­­­­­dy on kún tarap, bes kún órýdiń qajettiligi joq. Instagramm jelisinde parıj­dik Ines Marzet jasaǵan vırtýal­dy súzgilerin kıip alsańyz bolǵany, áp-sátte qalaǵan obrazda qahar­man­ǵa aınalyp shyǵa kelesiz. Áralýandyǵymen erek­shelenetin onyń fantas­tı­­kalyq beıneleri az ýa­qyt­ta jappaı tanylyp ketti. Ol jasaǵan fıltr­ler serııasy Snapchat je­li­si qoldanýshylaryn da ájep­tá­ýir qaryq qylyp tastaǵan tárizdi.