Semınar-keńeske departament basshylyǵymen birge Sybaılas jemqorlyqqa qarsy is-qımyl Ulttyq bıýrosy Mańǵystaý oblysy boıynsha departamenti basshysynyń orynbasary B.Mahmýd, Agenttiktiń aýmaqtyq departamentiniń memlekettik kórsetiletin qyzmetter basqarmasynyń basshysy J. Marshakuly, «Nur Otan» partııasynyń Mańǵystaý oblystyq fılıalynan qoǵam belsendileri E. Ińirbaıuly, B. Jaılov jáne A. Ertileýova qatysty.
Agenttiktiń aýmaqtyq departamentiniń basshysy N.Almasqyzy Agenttiktiń basym baǵyttarynyń biri qoǵamda sybaılas jemqorlyqqa qarsy mádenıetti qalyptastyrý ekendigin, paraqorlyq sııaqty qoǵamdy jaılaǵan keselmen kúresýge búkil jurtshylyqty tartý mindeti turǵandyǵyn atap ótti.
Sonymen birge, 2019-2020j.j. arnalǵan Agenttik pen Ishki ister mınıstrligi arasyndaǵy ózara is-qımyldyń Jol kartasy, quqyq qorǵaý organdaryndaǵy sybaılas jemqorlyqqa qarsy is-qımyl máselelerin kóterip, «Atyraý – adaldyq alańy» jobalyq keńsesiniń bastamasymen qolǵa alynyp polısııa qyzmetkerlerin adal bolýǵa, ádildik pen shynshyldyqqa shaqyratyn, qoǵam ishinde oń ımıdjin qalyptastyrýǵa baǵyttalǵan «Adaldyq aınasy» jobasyn oń tájirıbe retinde usyndy.
Sybaılas jemqorlyqqa qarsy is-qımyl Ulttyq bıýrosy Mańǵystaý oblysy boıynsha departamenti basshysynyń orynbasary B.Mahmýd túsindirme sharalarynyń basty maqsaty qoǵamda úreı týǵyzý emes, kerisinshe sybaılas jemqorlyqtyń prevensııasy, ıaǵnı aldyn alý ekenin aıtty.
Ádettegideı, departamenttiń memlekettik kórsetiletin qyzmetter basqarmasynyń basshysy J.Marshakuly «Digital agent» mobıldik qosymshasymen tanystyryp, kórsetiletin qyzmetter nátıjesin baǵalaýǵa, qońyraý shalý arqyly aýmaqtyq departamentke óz ótinishteri men oń pikirlerin qaldyrýǵa múmkindik berilgendigin eksperıment negizinde kórsetti. Qyzmetkerler sol boıda «Digital agent» mobıldik qosymshasyn óz smartfondaryna júktep, tıisti nómirge qońyraý shalyp, operatormen baılanysyp, endigi jerde memlekettik organdardy jaǵalamaı, úıde otyryp ta kez kelgen qyzmetke aryz-shaǵymyn qaldyra alatyndyqtaryna kózderin jetkizdi.
Spıkerler qatysýshylardyń suraqtary men usynys pikirlerin tyńdap, nazarǵa alatyndyqtaryn jetkizdi.
