Memlekettik qyzmet isteri jáne sybaılas jemqorlyqqa qarsy is-qımyl agenttiginiń tóraǵasy Alık Shpekbaev Túrkistanǵa sapary kezinde salynyp jatqan turǵyn úılerdi aralap kórdi. Agenttik tóraǵasy aldymen ákimdik janynan ashylǵan jobalyq keńse jumysymen tanysty. Osydan úsh aı aldyn qurylǵan keńse bes baǵyt boıynsha jumys isteıdi. Mundaǵy mamandar óńirdegi jobalardy jedel júzege asyrýdyń tetikterin qarastyrady. Ol úshin keńsedegi sala mamandary árbir jobany der kezinde saralap kem-ketigi bolsa tolyqtyrady. Odan keıin tıisti oryndarǵa usynady. О́ńirdiń damýyna úles qosqysy kelgen turǵyn óz jobasyn keńsege usyna alady. Mamandardyń málimetine súıensek, búginge deıin keńsege 1364 joba kelip túsken. Olardyń basym bóligi ınfraqurylym salasyn damytýǵa baǵyttalǵan.
Azamattarǵa bir tereze qaǵıdasy boıynsha qyzmet kórsetetin mıgrasııalyq halyqqa qyzmet kórsetý ortalyǵy jumysymen tanysqan agenttik basshysy turǵyndardyń tirkelý barysyn baqylady. Atalmysh ortalyq qalalyq Halyqqa qyzmet kórsetý ortalyǵynyń qasynda ornalasqan. Iаǵnı tirkelýge kelgen azamat birden eki mekemege de soǵyp tirligin tyndyra alady.
Túrkistanǵa jumys sapary kezinde agenttik tóraǵasy oblys ákimimen birge sıfrlandyrý júıesi úzdik dep tanylǵan Túrkistan qalalyq ortalyq emhanasyndaǵy jańa tehnologııalarmen tanysty. Emhanada sıfrlandyrýǵa baılanysty ınfokıosk, kýarkod, onlaın habarlaý, koll- ortalyq, tikeleı Kmıs-ke qosylǵan termınal, avtodozvon men PÝSh iske qosylǵan. Sondaı-aq, naýqastarǵa sms- habarlama jetkizý isi qolǵa alynyp, tirkeý ornynda az ýaqyt ishinde kúrdeli ózgerister men jańartýlar jasalǵan. О́z kezeginde Alık Shpekbaev emhana qyzmetin Nur-Sultan qalasynyń medısına mekemelerindegi zamanaýı jabdyqtarmen salystyra otyryp, joǵary baǵalady. Emhananyń tirkeý ornynda "Adaldyq alańy" men áleýmettik qyzmet kórsetý oryndary jumys isteýde. Onda Densaýlyq saqtaý mınıstrliginiń buıryǵyna sáıkes, múmkindigi shekteýli jandarǵa áleýmettik qoldaý kórsetilip, trıaj júıesi arqyly halyqqa qyzmet etedi.
