Áskerı qyzmetshiler atalmysh is-sharany mańyzdylyǵy men joǵary jaýapkershiligin uǵyna otyra, saılaý qortyndysyn tarıhı oqıǵa dep tabýda.
Aqtaý qalasynda áskerı qyzmetshiler úshin 25744 áskerı bóliminde jeke saılaý ýchaskesi qurylsa, Atyraý jáne Aqtóbe garnızonynyń áskerı qyzmetshileri ózderiniń turǵylyqty tirkelý oryndyrynda daýys berdi. Áskerı qyzmetshilerdiń basym bóligi úshin bul alǵashqy Prezıdent saılaýyna qatysý bolyp otyr, ásirese 1500-nan astam merzimdik qyzmettegi sarbazdar úshin. Olardyń biri - kóktemgi shaqyrylymda Almatydan kelgen qatardaǵy jaýynger Sanjar Adılbaev.
-Osy saılaýda, bizder tek qana elimizdiń Prezıdentin emes, Qarýly Kúshterdiń Joǵary qolbasshysyn saılaýdamyz. Sondyqtan men, elimizdiń bolashaǵy úshin durys sheshim qabyldadym dep sanaımyn, dedi ol.
Keıbir áskerı qyzmetshiler, tań atasymen saılaý ýchaskesine otbasymen birge kelip jetti, olardyń biri 41433 áskerı bóliminiń serjanty 2 synypty serjant Baǵdat Baıserıkov. Ol Atyraý qalasyndaǵy № 21 saılaý ýchaskesinde birinshi bolyp bıýlletendi ýrnaǵa tastady.
Tań atysymen, «Batys» óńirlik qolbasshylyǵynyń áskerleri qolbasshysy polkovnık Nurlan Aldııarov, áskerı bólim komandırleri men basqaram ofıserleri óz tańdaýlaryn jasap, saılaýǵa qatysty.
