«Qarjylandyrylǵan jobalar boıynsha kóshbasshylardyń úshtigine enip otyrmyz» degen Almaty qalasy Kásipkerler palatasy dırektorynyń orynbasary Alma Turlybaeva bul baǵyttar boıynsha aqparattyq jumystar turaqty júrgizilip keledi. Búgingi tańda Almatyda 6 joba maquldanyp, 3 joba 3,2 mlrd teńge kóleminde qarjylandyrylǵan. Al bir joba daıyndyqta bolsa, 15 joba EDB qaraýynda, 11 JKS baǵdarlamaǵa qatysýǵa nıet bildirip otyr. Jobalyq keńseniń qyzmeti barysynda bıznesti usyný tetigin jetildirý boıynsha usynystar qabyldanyp, otyrystarda qarastyrylýda. Jobaǵa aǵymdaǵy jyldyń 4 mamyrynda Úkimet qaýlysymen ózgerister engizilip, qorǵanys qarajatyn tolyqtyrýdy sýbsıdııalaý 30 paıyzdan elýge deıin artqan. Qazirgi kezde ortalyq jobalyq ofıs jańa toptamany daıyndaý jumystaryn júrgizýde, ıaǵnı aınalym qarajatyn tolyqtyrýdy qarjylandyrý mólsherin 50 paıyzdan 70 nemese 100 paıyzǵa deıin ulǵaıtý, sondaı-aq AО́K jobalary úshin aınalym qarajatyn tolyqtyrýǵa arnalǵan sýbsıdııalaý mólsherin 5 paıyzdan 8 paıyzǵa deıin kóterý, al ınvestısııalyq maqsattarǵa arnalǵan kredıt merzimin 10 jylǵa deıin uzartý jumystary júrgizilýde.
Atqarylǵan jumystardyń nátıjesi boıynsha Almaty qalasy boıynsha «Damý» Kásipkerlikti damytý qory» AQ О́ńirlik fılıalynyń dırektory Svetlana Nazarıýk jáne «CENTERCREDIT» AQ Iri bıznes basqarmasynyń basshysy Baıan Muhtarova baıandap ótti.
«Damý» Kásipkerlikti damytý qory» AQ Almaty qalasy fılıalynyń dırektory Svetlana Nazarıýk halyq tutynatyn taýarlar, sondaı-aq bastapqy óńdeý ónimderi men shıkizattary óndirisin qoldaý úshin 600 mlrd teńge bólingendigin jetkizdi. Bul qarajat óńdeýshi ónerkásipti, agroónerkásiptik keshendi damytýǵa jáne qoldaýǵa baǵyttalatyn bolady. Bólingen qarajattar ekinshi deńgeıli 9 bankte beriledi. Baǵdarlama aıasynda jumys júrgizetin bankterdiń qatarynda Halyq banki, Sesna bank, Sberbank, BSK, ATF, RBK, Forte, Eýrazııa jáne Nurbank bar.
Bólingen qarajattyń maqsatty arnalýy – óńdeý ónerkásibi jáne agroónerkásip kesheni salasynda qyzmet etetin kásipkerlerdi ınvestısııalyq maqsattarǵa (negizgi qarajat, bıologııalyq aktıvter) nesıelendirý jáne aınalym qarajattardy toltyrý. Máselen, tamaq ónerkásibinde etti óńdeý men konservileý, qant óndirisi, jemis jáne kókónis shyrynyn óndirý, balalar tamaǵy jáne dıetalyq tamaq ónimderi óndirisi nesıeleýge jatýy múmkin, al jeńil ónerkásibinde: syrtqy kıim óndirisi, toqyma óndirisi jáne trıkotaj náskı-shulyq óndirisi, aıaq kıim óndirisi nesıeleýge jatady. Úkimet Qaýlysymen Ekonomıkalyq qyzmettiń jalpy jiktemesiniń 65 qyzmet túrleri boıynsha nesıelendirýge arnalǵan 365 taýar tizbegi bekitilse, onyń ishinde tamaq ónerkásibi boıynsha 69 taýar, azyq-túlik emes ónim boıynsha 274 taýar, aýyl sharýashylyǵy ónimi boıynsha 49 taýar anyqtalǵan.
Nesıeleý sharttary boıynsha qaryz berý merzimi 7 jyldy quraıdy, sońǵy qaryz alýshylar úshin atalýy syıaqy mólsheri – «Bıznestiń jol kartasy-2020» baǵdarlamasy aıasynda mólsherlemeni sýbsıdııalaý esebinen 8 paıyz mólsherinde. Qarjylandyrýǵa qol jetkizý úshin kásipker bankke ótinim jiberip, bıznes joba maquldanǵannan keıin «Damý» kásipkerlikti damytý qoryna júginýi qajet.
