Erteń Almaty oblysy Alakól aýdanynyń Lepsi aýylynda «Qazaq batyrlary» jobasy aıasynda bokstan elimizdiń maqtan tutar azamatary – Beıjiń Olımpıadasynyń qola júldegeri Qanat Islam jáne álem men qurlyq chempıony, Azııa oıyndarynyń jeńimpazy Jánibek Álimhanulynyń júldesi úshin respýblıkalyq týrnır bastalady.
«Qazaq batyrlary» jobasy belgili kásipker, qazaqtyń atymtaı jomarty Baýyrjan Ospanovtyń bastamasymen 2016 jyly qolǵa alynǵan bolatyn. Sol kezden beri jyl saıyn Lepsi aýylynda ornalasqan sporttaǵy daryndy balalarǵa arnalǵan mektep-ınternatta Jetisý óńirinen shyqqan ataqty sportshylardyń qurmetine túrli jarystar uıymdastyrylyp keledi. Bul kúnderi Jońǵar Alataýy bókterinde ótip jatqan aıtýly týrnır joǵaryda esimderi atalǵan qazaqtyń jýan judyryqty jigitterine arnalsa, aldaǵy aptalarda basqa da sport túrleri boıynsha básekelerdiń shymyldyǵy túriledi.
Atap aıtsaq, 15-18 maýsym aralǵynda grek-rım kúresinen Nurbaqyt Teńizbaev pen Demeý Jadyraevtyń júldesi úshin jarystyń jalaýy jelbireıdi. Ekeýi de el sportyna eleýli eńbek sińirgen azamat. Nurbaqyt Teńizbaev – Beıjiń Olımpıadasynyń kúmis jáne 2009 jylǵy álem chempıonatynyń qola júldegeri. Demeý osydan eki jyl buryn Parıjdegi dúnıejúzilik dodanyń aqtyq synynda beldesip, kúmis medaldi moınyna ildi.
18-21 maýsym kúnderi erkin kúres sheberleri boz kilemge shyǵady. Respýblıkamyzdyń ár óńirinen jınalǵan balǵyn balýandar Olımpııa oıyndary men álem chempıonatynyń qola júldegeri, Azııa oıyndarynyń jeńimpazy Máýlen Mamyrov jáne dúnıejúzilik dodada úshinshi satyǵa taban tiregen Dáýren Jumaǵazıevtiń júldesi úshin talasady.
Al 25-28 maýsym aralǵynda dzıýdoshylardyń dodasyn tamashalaımyz. Jarys jolyna shyǵatyn jas órender Olımpıada asqan sheberlik tanytyp, júldegerler sanatyna qosylǵan Aıdyn Smaǵulov pen Ashat Jıtkeev jáne álem chempıonatynyń fınalısi Azamat Muqanovtyń júldelerin sarapqa salady.
– Elimizdegi «ZHERSU» dep atalatyn irgeli korporasııasynyń baqylaý keńesiniń tóraǵasy Baýyrjan Ospanov Jetisý óńirinen shyqqan áıgili sportshylarǵa qurmet kórsetý maqsatynda osyndaı bastamany qolǵa alǵanda, barlyǵymyz ol usynysty qýana-qýana qabyldadyq. Bıyl sol týrnır tórtinshi ret ótkizilip otyr. Aıtýly jarystyń deńgeıi ýaqyt ozǵan saıyn artyp keledi. Sóz oraıy kelgende, osy baǵytta bizge únemi qoldaý kórsetip júrgen Baýyrjan Keńesbekulyna, Alakól aýdanynyń ákimi Álibek Jaqanbaevqa, Almaty oblystyq Sport basqarmasynyń bastyǵy Nurbaqyt Teńizbaevqa zor rızashylyǵymyzdy bildirgimiz keledi. Rasynda da, álemdik arenada Qazaqstannyń ánuranyn san márte shyrqatyp, elimizdiń sporttyq dańqyn asqaqtatqan sańlaqtardyń bizdiń óńirge jıi at basyn burýy jergilikti jastar úshin úlken stımýl ekeni sózsiz. Qazirgi kezde Lepsidegi sport-ınternatta oqyp júrgen jas órenderdiń barlyǵy da keleshekti sol aǵalary sekildi bıik shyńdardan kórinýdi armandaıdy. Al óz shákirtterimizge durys baǵyt-baǵdar berip, sol belesterge jeteleý – bizdiń basty paryzymyz, – deıdi Lepsidegi sport-ınternattyń dırektory Serjan Omarov.
Qazaqstan ónerpazdary «Teatr barysyn» anyqtaıdy
Sport • Búgin, 12:08
Nurbah Rústemov qyzmetinen bosatyldy
Qoǵam • Búgin, 11:51
Kım Chen Yn taq muragerin tańdady
Álem • Búgin, 11:47
Qazaqstannyń Rýmynııa jáne Slovenııadaǵy elshileri taǵaıyndaldy
Taǵaıyndaý • Búgin, 11:45
Elordadaǵy Beısekova kóshesi erteńnen bastap jabylady
Qoǵam • Búgin, 11:33
Iýta shtaty jasóspirimderdiń áleýmettik jelige kirýine shekteý qoıdy
Álem • Búgin, 11:22
Uqsas jańalyqtar
