– Bıyl da Bolat Turlyhanovtyń kýbogyn asa joǵary deńgeıde ótkizgen Qazaqstanǵa jəne Azııa kúres federasııasynyń prezıdenti, dańqty balýan Dəýlet Turlyhanovqa óz rızashylyǵymdy bildiremin. Osyndaı bəsi bólek bəsekege qatysý bizder úshin úlken mərtebe. Almaty boz kilemine kil myqtylar jınalǵandyqtar jarystyń dərejesi de asa joǵary boldy. Bul týrnırdi qart qurlyqta ornalasqan birqatar memleketter taıaý kúnderi ótetin Eýropa oıyndaryna daıarlyq retinde qarastyryldy.
– Gogı Mýrmanovıch, Reseı quramasy sońǵy úsh jylda halaqaralyq arenada orasan zor tabysqa qol jetkize aldy. Sonyń syry nede?
– Kúndelikti qajyrly eńbek. Barlyq syry osy! Kúres túrlerinde bizde tamasha dəstúr bar, memleket barynsha qoldaý kórsetip otyr, ər aımaqta jumys ońdy júrgizilýde. Al biz tek el senimin aqtaýymyz kerek. Bıyl kúúzde Qazaqstannyń astanasynda ótetin əlemdik dodada Olımpıada joldamalary sarapqa salynady. Bizdiń maqsat – osy jarysta barynsha mol lısenzııaǵa ıelik etý. Rasynda da, qazirgi komandamyz óte qarýly. Ulttyq qurama sapynda saqa sportshylar da, iri jeńisterdi ańsaǵan jalyndy jastar da bar. Sol sebepti de alǵa qoıǵan jospardy júzege asyramyz dep oılaımyn.
– Qazaqstan quramasy jaıynda pikirińiz qandaı?
– Sizderde myqty balýandar árkezde kóp bolǵan. KSRO dəýirinde Qazaqstan kóshbasshy komandalardyń qatarynda júrdi. Iə, sońǵy 20 jylda altynǵa qol jetkize almaı júrgenderińiz maǵan məlim. Saǵan qaramastan ər jarysta jaqsy nátıje kórsetip júrsizder. Keleshekte qazaq topyraǵynan jańa úshkempirovter, turlyhanovtar, melnıchenkolar men baıseıitovterdiń shyǵatynyna senimdimin. О́z jerlerińizde ótetin dodada Qazaqstannyń sportshylary sətsizdiktiń seńin buzyp, bas júlde alýyna shyn júrekten tilektespin.
