Rýhanııat • 13 Maýsym, 2019

Túrlengen koreı taıaqshalary

256 ret kórsetildi

Elordada «K-Chopsticks: Connection» atty taǵamǵa arnalǵan koreı taıaq­shalary qoldanbaly óneriniń kórmesi osy halyqtyń mádenıetimen etene tanysýǵa múmkindik berdi.

Kórmege Chonchjý qalasynyń 46 sheberiniń 400-ge jýyq týyndysy qoıyldy. Túrlengen taıaqshalar koreı mádenıetiniń atrıbýty ǵana emes, Shyǵys Azııa halyqtarynyń salt-dástúrin ereksheleıtin mádenı mura retinde tanylǵan.

– Taǵamnan dám tatýdyń úsh jolyn bilemiz. Bangladesh, Indonezııa syndy memleketter tamaqty qolmen jeıtin bolsa, batys halyqtary dastarqan basynda qasyq pen shanyshqyny paıdalanatyny belgili. Bul ádister tamaqty úzýge, shanshyp, túrtip alýǵa kómektesetin bolsa, taıaqshamen tamaqtanýǵa ádettengen Shyǵys Azııa elderi taǵamnyń bútindigin saqtaýǵa mán beredi. Ishilgen astyń adamǵa qunar beretinin eskersek, Shyǵys Azııa elderi taıaqshalardy ómir men qýatty baılanystyrýshy qural retinde qabyldaıdy. Sol sebepti, taıaqshalardy jasaý ónerine, tipti ony durys ustaý ere­jele­rine elde zor kóńil bólinedi, – dedi Chonchjý qalasy mádenı óndiristi ilgeriletý qorynyń bas hatshysy Pak Sang On.

Ekspozısııaǵa qoıylǵan hanchjı (koreı qaǵazy) sheberi Lı Chongýktyń qytaı­dyń burysh aǵashy Pýndıden jasalǵan taıaqshalary qarapaıymdylyǵymen erek­she­lenedi. О́ıtkeni pýndı aǵashy qara­paıymdylyq pen tabıǵat tynysh­tyǵynyń sımvoly sanalady. Al Kım Son­honyń avtorlyǵymen jasalǵan laktalǵan taıaq­shalar dástúrli óner jolyndaǵy azapty joldy meńzeıdi. Budan bólek balalar ashanalyq jıyntyǵy, qola qasyqtar serııasy, qoladan jasalǵan tostaǵandar syndy qolóner buıymdary jurtshylyqtyń qyzyǵýshylyǵyn týdyrdy.

Sońǵy jańalyqtar

EQYU Bas hatshysy Qazaqstanǵa keledi

Parlament • Búgin, 09:31

Beısenbige arnalǵan aýa raıy boljamy

Aýa raıy • Búgin, 09:00

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar