Klassıkalyq úlgide sadaqpen atý básekesinde quramynda Denıs Gankın, Sanjar Musaev jáne Ilfat Abdýlın syndy mergenderi bar Qazaqstan quramasy 1/8 fınalda AQSh sportshylarymen saıysqa tústi. Rıo Olımpıadasynyń kúmis júldegeri, kóptegen asa iri halyqaralyq jarystardyń jeńimpazy degen dardaı ataqtary bar komandaǵa qarsy tartysta jerlesterimiz jankeshtilik tanytyp, 6:0 esebimen aıqyn jeńiske qol jetkizdi.
Osy tabysynyń arqasynda bizdiń mergender kelesi jyly Tokıo tórinde baq synaý qurmetine ıe boldy. Sóıtip araǵa 20 jyl salyp, sadaqshylarymyz jahandyq dodada qaıta óner kórsetedi.
