Shara eki jerde - 14 shaǵyn aýdan "Astana" saýda ortalyǵynyń aldynda jáne 7 shaǵyn aýdan "Máńgilik alaý" monýmenti janynda ótti. Sondaı-aq, aksııa departamenttiń Facebook jáne Instagram resmı saıttary arqyly tikeleı efırde júrgizildi.
Bul is-sharaǵa departament basshysy Qanat Danııaruly Taımerdenov jáne ÁPB, JPQ, Kóshi-qon qyzmeti basqarmasynyń basshylyǵy men qyzmetkerleri qatysty. Azamattardyń kóptegen saýaldary kólikti tirkeý, júrgizýshi kýáligin aýystyrý, azamattyq alý, jol belgilerin jańartý, aıyppuldar tóleý týraly boldy. Tek áleýmettik jelilerde qoıǵan suraqtarǵa ǵana jaýap berile qoımaı, qaýyrt jeli arqyly túsken saýaldarǵa da jaýap berildi. Aksııamen qatar, ýchaskelik polısııa ınspektorlary shaǵyn aýdan turǵyndarymen kezdesip, olardyń suraqtaryna tolyqqandy jaýap berdi. Máselen, jaıaý júrginshiler ótkelin ornatý týraly ótinishimen qala turǵyny oblystyq PD bastyǵyna júgindi, bul másele shet qalǵan joq. Qanat Danııaruly turǵynmen birge 14 shaǵyn aýdan "Neıron" jeke emhanasynyń janyndaǵy qıylysqa baryp, jol belgilerin jáne jasandy kedir-budyrlyqtardy ornatýǵa naqty nusqaýlar berdi.
