– Birlesken kúres əleminiń basshysy Nenad Lalovıch osy mańyzdy jarysqa daıyndyqtyń qalaı júrgizilip jatqanyn óz kózimen kórgisi keldi. Iə, əlem chempıonatynyń bastalýyna az ǵana ýaqyt qalyp otyr. Qazir Nur-Sultanda daıyndyq jumystary qyzý júrgizilýde. Biz óz kezegimizde Nur-Sultandaǵy jarystyń asa joǵary deńgeıde uıymdastyrylyp, qatysýshylar men qonaqtar elderine keremet ásermen oralatyndaı etip ótkizýge tyrysýymyz kerek, – deıdi ƏCh-2019 uıymdastyrý komıtetiniń basshysy, QR grek-rım, erkin jəne əıelder kúresiniń vıse-prezıdenti Erlan Qojasbaı.
Sonymen qatar, respýblıkalyq federasııa basshylarynyń biri astanamyzdaǵy ınfraqurylymdardyń eń iri sporttyq sharalardy joǵary deńgeıde ótkizýge múmkindigi zor ekenin atap ótti.
– Əýejaı, qonaq úı keshenderi, demalys oryndary, mədenı-buqaralyq nysandar, «Barys-Arena» jəne basqa da ınfraqurylymdar halyqaralyq talaptarǵa saı, – dep jalǵastyrdy óz sózin Erlan Qojasbaı myza. Osy baǵytta uıymdastyrý komıteti úlken sharýa atqarýda. О́ıtkeni, bizdiń barlyǵymyzdyń ortaq maqsatymyz – əlemdik dodany eń joǵary deńgeıde ótkizý.
Nenad Lalovıch əlem chempıonaty qarsańynda qarqyndy jəne jemisti jumys júrgizip jatqan Qazaqstanǵa alǵys aıta kele, osy jarystyń esh kıkiljińsiz ótetinine senim bildirdi.
– Qazaqstan kúres əlemi keńistigindegi óte tanymal memleketterdiń bir. Sizderde jaqsy dəstúr de, joǵary potensıal da bar. Qyrkúıekte kil myqtylar Nur-Sultanda jınalyp, əlem chempıonatynyń júldelerimen qatar, Olımpıada joldamalaryn da sarapqa salady. Aldaǵy ýaqytta da daıarlyq jumystaryn tyńǵylyqty júrgizip, osy mega sharany keremetteı ótkizýlerińizge tilektespin, – dep Lalovıch aqtaryla sóıledi.
