Saltanatty sharaǵa Mańǵystaý oblysy ákiminiń orynbasary Rýslan Sakeev, qamqorshylar keńesiniń músheleri, ata-analar, mektep ákimshiligi jáne muǵalimder qatysty.
Keıin ol bilim ordasyn úzdik támamdap, qorytyndy jıyntyq baǵalaýdy sátti tapsyryp shyqqan Nurǵaısa Jaqsybekqyzyna «Altyn belgi» taqty. Al Aıda Zınýrqyzy, Farıza Shynjyrova, Merýert Bıjanova qyzyl attestatqa ıe boldy.
Aqtaýlyq zııatkerler halyqaralyq bilim arenasyndaǵy jetekshi ýnıversıtetterdiń bilim grantyna da ıe bolyp otyr. Máselen, kóptegen respýblıkalyq pándik olımpıadalar jeńimpazy Arman Jumahan City University of Hong Kong joǵarǵy oqý ornyna «Data science» mamandyǵy boıynsha bilim grantyn jeńip aldy. Aıta ketý kerek, bul zaman suranysyna ıe jańa mamandyqtardyń biri. 12 «S» synybynyń túlegi Alýa Kanaeva Gong-Kong polıtehnıkalyq ýnıversıtetiniń bilim grantyna ıe boldy. Al qyzyl attestatqa alǵan Farıza Shynjyrova Nazarbaev Ýnıversıtetinde tegin oqýǵa shaqyrtý aldy.
- Zııatkerlik mekteptiń túlekteri joǵary kórsetkishterdi kórsetip otyr. Mysaly, IELTS halyqaralyq emtıhanynyń nátıjesi boıynsha,barlyq túlektiń aǵylshyn tilin meńgerý deńgeıiniń ortasha baly 6,3. Kóptegen túlekter elimizdegi Joǵary oqý oryndaryn tańdap otyr, deıdi kásibı baǵdar berý boıynsha keńesshisi Saýle Aldabergenova.
Mańǵystaý oblysy
