Al bıylǵy jyly Laboratorio de Internet zertteý zerthanasynyń veb-saıtynda jarııalanǵan «Webometrics Ranking of World Universities» (álemdik ýnıversıtetterdiń veb-saıttar reıtıngisi) jańa reıtıngisiniń qorytyndysy boıynsha 122 qazaqstandyq JOO arasynda shi orynǵa ıe boldy. Qazaqstannyń pedagogıkalyq joǵary oqý oryndarynyń arasynda Abaı atyndaǵy QazUPÝ saıty I oryndy ıelendi. Al ótken jyldyń qańtarynda «Webometrics» veb-saıttar reıtıngisinde QazUPÝ-dyń resmı saıty álem boıynsha 8686-shy, Qazaqstannyń joǵary oqý oryndarynyń arasynda 15-shi orynǵa ıe bolǵan.
Byılyǵy jyly mamyr aıynda Bilim sapasyn qamtamasyzdandyrý boıynsha táýelsiz agenttigi (IQAA) saıtynda aǵymdaǵy jyldaǵy elimizdiń úzdik joǵary oqý oryndary reıtıngisiniń nátıjelerin jarııalady. Instıtýsıonaldyq reıtıng nátıjesinde Abaı atyndaǵy QazUPÝ pedagogıkalyq JOO arasynda 1-shi oryndy ıelenip, «Sarapshylardyń repýtasııalyq baǵalaýy boıynsha kóshbasshy» jáne «Jumys berýshilerdiń repýtasııalyq baǵalaýy boıynsha kóshbasshy» nomınasııalary boıynsha kóshbasshy atandy. Sonymen qatar, BSQTA reıtıngtiń baǵalaý kórsetkishteri boıynsha qazaqstandyq joǵary oqý oryndarynyń 2019 jylǵa arnalǵan veb-saıttarynyń reıtıngisin usyndy. Reıtıng nátıjesine sáıkes ýnıversıtetimizdiń resmı saıty elimizdiń 116 joǵary oqý oryndary arasynda 5-shi oryndy, al pedagogıkalyq joǵary oqý oryndarynyń sanatynda 1-shi oryndy ıelendi.
Abaı atyndaǵy QazUPÝ rektor Takır Balyqbaevtyń basshylyǵymen oqý ornynyń Strategııalyq josparyn júzege asyrý arqyly bilim berý salasynda mańyzdy jetistikke qol jetkizip, Qazaqstannyń aldyńǵy qatarly joǵary oqý oryndarynyń arasynda bedelin jáne tanymaldyǵyn arttyrýda. Qazirgi tańda ýnıversıtet bilim berý men zertteý salasyndaǵy tanymal ınnovasııalyq ortalyq, mamandyqtardyń keń spektri, joǵary bilikti professor-oqytýshylar quramy, zamanaýı ındýstrıaldy tehnologııalar, ınnovasııalyq baǵdarlamalar, jetekshi sheteldik ýnıversıtettermen qosdıplomdy baǵdarlamalary bar, irgeli ǵylymnyń qarqyndy damýyna ıe, halyqaralyq bilim jáne ǵylym qoǵamdastyǵyna engen zamanaýı bilim berý uıymy bolyp tabylady.
ALMATY
