-Mundaı jobalar eki kompanııa arasyndaǵy dostyq pen yntymaqtastyqtyń nyshany bolyp tabylady. Biz aldaǵy ýaqytta da seriktesterimizben birlesken qyzmetimizdi odan ári damytyp, ortaq jobalardy birge iske asyrýǵa múddelimiz. Bul qos tarap úshin múmkindikter aıasyn keńeıtip qana qoımaı, qazaqstandyq munaı-gaz sektorynyń quzyreti men básekege qabiletin arttyrýǵa jaǵdaı týǵyzady, dep atap ótti A. Aıdarbaev.
Satti burǵylaý qondyrǵysy – bul tolyǵymen Qazaqstanda qurastyrylǵan alǵashqy platforma. Ol úsh jyl boıy Amerıkanyń ozyq tehnologııalary boıynsha eki verfte salyndy. Qondyrǵy Kaspıı teńizinde 80 metrge deıingi tereńdikte burǵylaý jumystaryn júrgizýge arnalǵan. Qondyrǵyny paıdalaný aıasynda ony jańǵyrtý josparlanýda. Bul 6 000 metrge deıin tereńdiktegi barlaý uńǵymalarynyń qaýipsiz ári tıimdi burǵylaýyn qamtamasyz etýge múmkindik beredi. Qazaqstan-Ázirbaıjan mamandarynyń komandasy jasaqtaldy. Olar burǵylaýǵa qatysyp, tehnıkalyq qoldaý kórsetetin bolady.
2019 jylǵy aqpan aıynda QMG qondyrǵyny SOCAR kompanııasyna senimdi basqarýǵa berý jóninde kelisken bolatyn. Maýsymnyń 14-i QMG enshiles uıymy «Qazaqteńizkólikfloty» qondyrǵyny Quryq portynan Baký qalasyna tasymaldaýǵa kiristi.
Mańǵystaý oblysy
