Delegasııa «Ulttyq ındýstrııalyq munaı-hımııa tehnoparki» arnaıy ekonomıkalyq aımaǵynyń aýmaǵynda ornalasqan keshenniń qurylys alańdaryn, jańadan jabdyqtalǵan ýaqytsha qurylys qalashyǵyn aralady.
«QazMunaıGaz» UK AQ basshylyǵynyń jáne «Birikken hımııalyq kompanııa» JShS enshiles uıymdarynyń qatysýymen ótken keńeıtilgen májilis barysynda «QazMunaıGaz» UK AQ Basqarma tóraǵasynyń munaı óńdeý jáne marketıngi jónindegi orynbasary – «Kazakhstan Petrochemical Industries Inc.» JShS Basqarma tóraǵasy Danııar Tıesov qurylystyń qazirgi jaǵdaıy, ınjınırıng, jabdyq pen materıaldardy satyp alý men jetkizý jumystary týraly baıandady. Atap aıtqanda, zaýyttyń bas josparyn bekitý, tehnologııalyq kesteler jáne qurylys alańyna arnalǵan jumys qujattamasyn ázirleý jóninde sóz qozǵaldy. Sondaı-aq, D. Tıesovtiń aıtýy boıynsha kásiporynnyń 3D-úlgisiniń 60%-y ázirlendi. Keshendi jobalaýǵa «Qazaq munaı jáne gaz ınstıtýty» qatysýda.Tireýishterdi qaǵý, burǵylaý-tyǵyzdaý tireýishterdi ornatý jónindegi jumystar aıaqtaldy. Irgetasty qalaý boıynsha negizgi jumystar oryndaldy. Jerasty kommýnıkasııalary tartyla bastaldy.
Biriktirilgen gaz-hımııalyq kesheniniń qurylysyna jergilikti taýar óndirýshileri jumyldyrylǵan. «AtyraýMunaıMash» JShS, «Petropavl aýyr mashına jasaý zaýyty» JShS, «Imstalkon» JShS jáne basqalar jabdyq pen materıaldardy shyǵarý jáne jetkizýmen aınalysady.
Qurylys alańdarynda jumys istep jatqan 36 qosalqy merdigerdiń 33-i – jergilikti kompanııa bolyp tabylady. Sapar qorytyndysy boıynsha «Samuryq-Qazyna» qorynyń basshysy Ahmetjan Esimov osy jobanyń Qazaqstan Respýblıkasynyń ekonomıkasy jáne munaı-hımııa ónerkásibin damytý úshin aıryqsha mańyzdylyǵyn atap ótti. Sondaı-aq joba «QazMunaıGaz» UK AQ-ǵa senimdi basqarýǵa berilgennen keıin onyń damýyndaǵy oń tendensııany atap ótip, keshendi ýaqtyly aıaqtaýdy tapsyrdy.
«Samuryq-Qazyna» UÁQ» AQ-nyń 2018 jylǵy 28 maýsymdaǵy tapsyrmasyna sáıkes joba «QazMunaıGaz» UK AQ-ǵa senimdi basqarýǵa berildi. Joba berilgen ýaqyttan beri qurylys jumystaryn keń kólemde júrgizip, olardy qarqyndy ilgeriletý boıynsha sharalar qabyldandy, qurylys kestesi ońtaılandyryldy jáne Qazaqstan Respýblıkasynda iri jobarlardy iske asyrýda tájirıbesi bar mamandar tartyldy.
Mańǵystaý oblysy
