«Batys» О́ńirlik qolbasshylyǵynyń komandıri, polkovnık Nurlan Aldııarovtyń nusqaýymen Móńkebı aýylyna, Batys Qazaqstan jáne Aqtóbe oblysy aımaqtyq jaýapkershilikti qamtıtyn ınjenerlik qyzmetiniń bastyǵy maıor Aslan Baımagambetovtyń basshylyǵymen 30238 áskerı bóliminiń mınasyzdandyrý toby jiberildi.
- Bul birinshi jaǵdaı emes, - deıdi 30238 áskerı bólimniń komandıri, polkovnık Rýslan Ýtepov. - 2015 jyldan beri jergilikti turǵyndar metall synyqtarymen birge tapqan, onnan astam jarylmaǵan snarıad mınasyzdandyrý tobymen joıyldy.
IIM-ge qarasty qurylymdyq kúshter Aqtóbe qalasynan 360 shaqyrym jerde ornalasqan oqıǵa ornyna kelip, snarıad ornalasqan aýmaqty qorshady. Mınasyzdandyrý tobynyń raketalyq-arterııalyq qarý-jaraq mamanynyń jaqynyraq tekserýinen keıin jarylǵysh zat 85 mıllımetrlik kýmýlıatıvtik tankke qarsy snarıad bolyp shyqty. Onyń jaǵdaıy tasymaldaýǵa jatpady: korrozııaǵa ushyraǵan, jarylǵyshy jaýyngerlik jaǵdaıǵa qoıylǵan, snarıad qaýiptiń 3-shi dárejesinde boldy.
Saperler snarıadty sol jerde joıýǵa sheshim qabyldady. Sonymen qatar, mınasyzdandyrý torbymen irgeles aımaq zarylǵysh zattardan tekserildi.
- Keńes dáýirinde sońǵy úlgidegi áskerı tehnıkany jáne qarý-jaraqty zertteý jáne synaý, jaýyngerlik atys júrgizý úshin qoldanylǵan, Embi polıgonynyń jaqyndyǵy áli kúnge deıin "tosynsyılar" usynady, - deıdi 30238 áskerı bólimniń mınasyzdandyrý tobynyń komandıri, maıor Aslan Baımagambetov, - tabylǵan snarıad keńes dáýirine tıesili dep oılaımyn.
Mańǵystaý oblysy
