Olar - Aqtaý qalasy, Sh.Esenov ýnıversıtetiniń ǵımaratynda, Jańaózen qalasyndaǵy 19-mektepte, sondaı-aq, Mańǵystaý aýdany, B.Jumalıev orta mektebi ǵımaratynda jáne Beıneý aýdanyndaǵy Kúıken orta mektebinde. Test ótetin ortalyqtar salqyndatqysh, metall anyqtaıtyn jáne uıaly telefonnyń dybysyn tunshyqtyrǵysh quraldar, túlekter úshin sý beretin qurylǵylarmen tolyqtaı jabdyqtalǵan. Barlyq ortalyqtarda jergilikti polısııa ókilderi men densaýlyq saqtaý qyzmetkerleri qyzmet etetin bolady. 3 saǵat 50 mınýtqa sozylatyn bilim synaǵyna oblys boıynsha 5596 metkep bitirýshiniń 4298-ii qatysýǵa nıet bildirgen. ESENOV UNIVERSITY bazalyq fakýltetiniń dekany, qabyldaý komıssııasynyń jaýapty hatshysy Qaıyrbek Makýlovtyń aıtýynsha, bıylǵy synaqtyń eń basty ereksheligi osy jyldan bastap jylyna 4 márte ótkiziledi. Osyǵan deıin qańtar-naýryz aılarynda ótken synaq qorytyndysymen bitirýshi aqyly oqý orynyna tapsyratyn bolsa, osy maýsymdaǵy synaq aqysyz oqýǵa túsýge mol múmkindik bermek. Jalpy, sońǵy UBT tamyz aıynda ótedi. Barlyq pýnkterdi jergilikti bilim bólim basshylary, qoǵamdyq mekeme jáne buqaralyq aqparat ókilderinen qurylǵan komıssııa baqylaıdy.
-Bıyl 4 pýnkte 4 qyzmetkerimiz baqylaýdy júzege asyratyn bolady. Olar Respýblıkadan kelgen mınıstrlik ókilderimen birigip UBT kezinde quqyq buzýshylyq jáne basqalaı tártipsizdikter oryn almaýyn qadaǵalaıdy. Aldyńǵy jyldary synaq ýaqytynda óreskel tártip buzýshylyqtar tirkelgen emes, dedi Mańǵystaý oblysynyń bilim salasyndaǵy baqylaý departamentiniń basshysy О́mirzaq Esbolat.
Ádettegishe 5 pánnen turatyn synaq oblysta 29 maýsymda qorytyndylanady. Al, 30 maýsymda túlekter appelıasııaǵa qatysa alady. Respýblıka boıynsha 117 myń oqýshy altyn uıa mektepterinen túlep ushsa, qatarynda 159 mańǵystaýlyq «Altyn belgi» ıegeri bar. Memlekettik granttyń tapsyrysy qazirgi tańda 66556 qurap otyr. Onyń 51085 i bakalavrıat, 2312 doktorantýraǵa túsetin úmitkerlerge jáne 11085 i magıstratýraǵa nıettilerge arnalǵan.
Mańǵystaý oblysy
