Ulttyq komıssııanyń otyrysy ótti

Otyrysty ashqan Ulttyq komıssııa­nyń tóraıymy G.N.Ábdiqalyqova Mem­leket basshysy Qasym-Jomart Toqaevtyń Qazaqstan Respýblıkasynyń Prezıdenti qyz­metine resmı kirisý saltanatty rási­min­de qoıǵan mindettemelerge basa nazar aýdardy. 

Alqaly jıynda Prezıdent belgilegen 10 mańyzdy baǵyttardyń qataryna kiretin – jastardy jumyspen qamtý, jańa jumys oryndaryn ashý, «Rýhanı jańǵyrý» baǵ­dar­lamasy aıasynda otbasylyq qundy­lyq­tardy ilgeriletý máseleleri qaraldy. Búgingi tańda elimizdegi 14-ten 28 jasqa deıingi jastardyń jalpy sany 3,9 mıl­lıonnan asady. Jastardy jumyspen qamtý maqsatynda «Jasyl el», «Dıplommen – aýylǵa!», «Serpin», «Jastar praktıkasy» baǵdarlamalary júzege asyrylýda. 

Osy basqosýda aıtylǵandaı, Nátıjeli jumyspen qamtýdy jáne jappaı kásip­ker­likti damytý baǵdarlamasynyń aıasynda 2018 jyly 253 myńnan astam jas azamatty jumysqa turǵyzýǵa múmkindik jasalǵanyn atap ótý kerek, bul osy baǵdarlamaǵa qatysýshylardyń jalpy sanynyń 37%-yn quraıdy. Sol sııaqty«Bastaý-bıznes» jobasy sheńberinde kásipkerlik negizderi boıynsha 8,5 myń jas oqytylyp, olardyń 2 myńnan astamy shaǵyn nesıe aldy. Kásibi boıynsha alǵashqy tájirıbe alý úshin 28,4 myńnan astam adam jastar praktıkasyna jiberildi. Áleýmettik jumys oryndaryna jáne qoǵamdyq jumystarǵa jastar arasynan 34,8 myń adam tartyldy. Jastardy qoldaý boıynsha «Jastar – el tiregi» ulttyq jobasy bastaldy, onymen 1 mln jas úsh jyl ishinde qamtylmaq. 

Tuńǵysh Prezıdent – Elbasy N.Na­­zar­­baevtyń tapsyrmasy bo­ıyn­­sha qa­byl­danǵan «Rýhanı jań­ǵyrý» baǵ­dar­lamasy jáne «Uly dala­nyń jeti qyry» basymdyqtary rýhanı-adamgershilik qun­dylyqtardy qaıta jańǵyrtýǵa baǵyt­talǵan. Osy baǵyttaǵy jumystardy júze­ge asyrý úshin úkimettik emes uıym­darǵa mem­lekettik áleýmettik tapsyrys aıasynda bıyl 607 mıllıon teńge bólinip, 167 áleý­mettik mańyzy bar joba qolǵa alynýy tıis.

Jastar tárbıesine qatysty atqarylyp jatqan jumystar da az emes. Máselen, jazǵy kanıkýl kezinde oqýshylardyń res­pýb­­lıkalyq mýzeılerge, tabıǵat qoryǵy-mýzeılerine jáne teatrlarǵa tegin kirý prak­tıkasy engizildi. Balalar men jastar­dy shyǵarmashylyq jáne kreatıvti jobalarǵa belsendi tartý úshin óńirlerde 208 kovorkıng-ortalyq qurylǵan, olardyń kóbi Almaty qalasynda, Almaty, Shyǵys Qazaqstan, Pavlodar jáne Qaraǵandy oblystarynda ornalasqan.

Otyrysta sonymen qatar Qazaqstan Respýblıkasyndaǵy 2030 jylǵa deıingi ot­ba­sylyq jáne genderlik saıasat tujy­rym­damasyn iske asyrý boıynsha 2017-2019 jyldarǵa arnalǵan is-sharalar josparynyń Mańǵystaý oblysynda oryndalý barysy qaraldy. Turǵyndardyń áleýmettik osal toptaryn qoldaý maqsatynda óńirde iske asyrylyp otyrǵan «Bıznes 3 kúnde» jobasynyń oń tájirıbesi ataldy. Bul jobany qolǵa alý­daǵy basty mindet – az kiristeri bar otb­asylarǵa óz isin ashýǵa kómek kórsetý. Bıyl­ǵy naýryzdan bastap jobaǵa 120-dan as­tam adam qatysýda. Osy qatarda 37 kóp ba­laly otbasy, kóp balaly jalǵyzbasty 2 áke, 7 jalǵyzbasty ana jáne múgedektigi bar adam­darǵa kútim jasaıtyn 13 adam óz bız­ne­sin ashty. Nátıjesinde 37 tigin sehy, 11 qol­óner jáne 4 toqyma sheberhanasy, 21 taǵam óndiretin nysan, 25 kondıterlik, 12 sút taǵam­dary men sýsyndar óndiretin mını seh, 2 qyzmet kórsetetin bıznes ashyldy. 

Otyrys sońynda Premer-Mınıstrdiń orynbasary, Ulttyq komıssııa tóraıymy G.N.Ábdiqalyqova memlekettik organdarǵa birqatar naqty tapsyrma berdi.