Aımaqtar • 21 Maýsym, 2019

Eki aıda 270 shaqyrymdy artqa tastady

264 ret kórsetildi

Jaqynda Tarbaǵataı aýdanynda «Tuǵyry bıik Tarbaǵataı» atty halyqaralyq sport jáne óner festıvali aıasynda el tarıhyn­da tuńǵysh ret «Uly dala qazanaty» atty 140 shaqyrymdyq at báıgesi uıymdas­tyrylǵan bolatyn. Qazaqtyń uzaq júriske shy­damdy qazanattaryn hám alashtyń atqa myǵym otyratyn, shy­myr jigitterin anyqtaý maqsatynda ótkizilgen jarysqa eli­miz­­diń túkpir-túkpirinen jáne Reseıden 100-ge jýyq tulpar qatysqan-dy.

Tańǵy saǵat 4-te bastalyp, túske deıin sozylǵan qyl quı­ryqtylar saıysynda 1-oryndy Aqsýattyń Qyzkúreń esimdi jar­tylaı asyl tuqymdy júırigi ıe­lengen-di. Al 2-3-oryndardy kezinde qazaqtyń kórnekti ja­zý­shysy Ǵabıt Músirepov «Boshaıdyń úsh qarasy» dep tamsana áńgime jazǵan Altaıdyń abyz aqsaqaly Boshaı Kitapbaevtyń týǵan jeri – Katonqaraǵaı aýda­nynyń atbegileri ózara bó­lis­ti. Bir tańǵalarlyǵy, eki aı buryn Zaısanda tuńǵysh ret uıym­dastyrylǵan 130 sha­qy­rymdyq báıgede 2-oryn alǵan Pyraq deı­tin júırik bul joly da osy jetistigin qaıtalap, eldi eleń etkizdi (aıtpaqshy, sol jarysta 1-oryndy osy aýdannyń aty ıelengen-di). Biz sol atqa shapqan taqymy tastaı shabandozben az-kem áńgimelesken edik.

– Bul – Katonqaraǵaıdyń О́r­nek aýylynyń aty. Attyń ıesi – Qaırat Serkenov. Meniń ákem­niń týǵan aǵasy. Atty bap­tap, shapqan – ózim. Aty-jó­nim – Qýanysh Tursynhanov. Zaı­sanda 130 shaqyrymdy 6 jarym saǵatta shaýyp óttim. Bul jolǵysy 
8 saǵat dep jatyr báı­geni kórgen kisiler, – dep bas­ta­dy áńgimesin Qýanysh.

– Bul attyń tuqymy qan­daı?

– Taza qazaqy deýge bolmaıdy. Burynǵy Don jylqysynan qalǵan tuqym ǵoı. Qany qazaqy jylqylarmen aralasqan. Taza, qazaqtyń jaby jylqysy emes. Bul – jergilikti jylqy tuqymy. Qa­zanat deýge de bolatyn shyǵar. Qazanattyń da túbinde tektilik bolǵan ǵoı. Bizdiń Katonqaraǵaı aýdanynyń Soldatova degen aýy­lynda orys ultynyń ókilderi Don tuqymyn kóp ustaǵan. Bul – Altaıdyń qytymyr qysyna da tózimdi, júriske de shydamdy jylqy. Osyndaı jylqylar Ka­tonqaraǵaıda kóp taraǵan. Iаǵ­nı, qazaqy jylqy men Don jylqysynyń qany aralasqan.

– Atty báıgege qansha ýa­qyt baptadyńyz?

– Zaısandaǵy 130 shaqyrym­dyq jarysqa 25 kún baptadym. Bul jolǵy jarysqa Zaısannan keıin bir aıdaı tynyqtyryp baryp baptaı bas­tadym.

– Bul báıgege qosylyp júr­­gen at pa? Álde ministiń aty ma?

– Ministiń aty. Malǵa, sha­rýa­­shylyqqa minip júrgen at. Alamanǵa qosylmaǵan.

– Úshinshi oryndy da Ka­ton­qaraǵaıdyń júırigi aldy ǵoı.

– Iá, ol – Úlken Naryn aýy­lynyń aty. Attyń bapkeri – ataqty Boshaı Kitapbaev aqsa­qaldyń aýylynan.

– 140 shaqyrym atqa da, sha­ban­dozǵa da ońaı bolmaıtyny anyq. Jalpy, jarys qa­laı ótti?

– Tań qylań bere, saǵat tórt­ten 25 mınýt ketkende jarys jolyna shyqtyq qoı. 130 shaqyrym boıy Qaraǵandydan kelgen at aldyna qara salma­dy. Márege jaqyndaǵanda basyp ozdyq. Al 1-oryn alǵan at­pen 40 shaqyrymnan beri qa­raı qatarlasa shaýyp otyr­dyq. Márege shamamen bir shaqyrym­daı jer qalǵanda ekeýmiz de tiz­gindi qoıa berdik. Ekeýmiz de máreden shaýyp óttik.

– 150 shaqyrym bolǵanda ozyp keter me edińiz?

– Ony aıtý qıyn. Biraq atymnyń 150 shaqyrymǵa shydaıtynyna senimdimin.

– Gınnestiń rekordtar ki­ta­byna engizýge laıyq at ja­ry­­syna bir emes, eki márte qa­­tysyp, júlde aldyńyz. Eki ja­rysty qossaq, eki aı ishin­de 270 shaqyrymdy baǵyn­dy­­­rypsyz. Alǵan áse­rińiz qan­­­­­daı?

– 140 shaqyrymdyq báıge Qazaqstanda alǵash ret ótti ǵoı. Mundaı jarysta báıge alý úlken qýanysh, zor mártebe dep oılaımyn.

– 140 shaqyrym shapqan­da jol­da qansha ret aıaldadyńyz­dar?

– О́zim atymdy úsh ret toq­tatyp, eki-úsh mınýttan demaltyp, azdap sý urttatyp otyrdym. Jarysqa uzyn sany 104 at qatysty. Márege jetkeni – 12. Biz kelgennen bir saǵattan keıin kel­gen attar da boldy.

Sońǵy jańalyqtar

Áskerı tikushaq apatqa ushyrady

Álem • Búgin, 15:21

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Uqsas jańalyqtar