Aımaqtar • 21 Maýsym, 2019

Qaraǵandy oblysyndaǵy sharýashylyq О́zbekstanǵa 28 myń buqa satady

240 ret kórsetildi

Qaraǵandy oblysynda tasy órge domalap turǵan sharýashalyqtyń biri – iri qara mal bordaqylaýdy kásip etetin «Jáke» sharýa qojalaǵy. Kásiporyn osydan úsh jyl buryn Buqar jyraý aýdanynyń Úshtóbe aýyldyq okrýginde iske qosylǵan bolatyn.

Qazirgi ýaqytta sharýashylyq qanatyn keńge jaıǵan: kásiporynnyń mal qoralary men basqa da óndiristik úı-jaılary 20 gektar jerdi alyp jatyr. Bul jerde otyzǵa tarta adam eńbek etip, taryqtyrmaıtyn kólemdegi táp-táýir jalaqy alady. Zamannyń talabyna saı qurylǵan  sharýashylyq amerıkandyq tehnologııa boıynsha jumys isteıdi. Malǵa jem berý tolyqtaı mehanıkalandyrylǵan, al sýarý isi avtomatty júıege kóshirilgen.

Jaqynda «Jáke» sharýa qojalyǵy О́zbekstan tarapymen kelisimge kelip, sol elge bıyl semirtilgen 28 myń buqa jetkizetin boldy. Tapsyrys berýshiniń sharty boıynsha, árbir janýardyń salmaǵy 400 kılodan kem tartpaýy tıis eken.

Bul sharýashylyqta bordaqyǵa baılanǵan kezdegi maldyń bastapqy salmaǵy 200-250 kılo bolady. Júz kúnniń ishinde qunarly jemnen aýyzy bosamaǵan iri qaranyń árqaısysy 600-700 kıloǵa deıin salmaq tartyp, semiretin kórinedi. Aıta ketetin bir jaıt, jem-shópti egip, ony qaıta óńdeýge deıingi jumys tolyqtaı sharýashylyqtyń ózindik tehnıkasymen atqarylady eken.

– Eki jyl ishinde biz óndiris kólemin 5,5 myń basqa deıin ulǵaıttyq. Aldaǵy ýaqytta bul kórsetkishti 10 myń basqa deıin jetkizýimiz kerek. Kelesi jyly qýattylyqty tolyq kúshine qosýdy josparlap otyrmyz: jylyna bordaqylanǵan 40 myń bas buqany satýǵa shyǵaramyz, – deıdi kásiporyn ókili Almas Syzdyqov.

Atalǵan sharýa qojalyǵy qazirgi tańda memleket tarapynan aýyl sharýashylyǵyn qoldaýǵa baǵyttalǵan túrli baǵdarlamalardy tıimdi paıdalanady. Mysaly, kásiporyn aldaǵy ýaqytta «Sybaǵa» baǵdarlamasy boıynsha Reseıden 5 myń bas, Polshadan 2 myń bas tuqymy táýir múıizdi iri qara mal satyp alýdy josparlap otyr. Sonymen qatar, atalǵan baǵdarlama aıasynda asyl tuqymdy maldardyń genetıkasyn jaqsartý jumystary da qolǵa alynǵan.

Taıaýda oblys ákimi Erlan Qoshanov sharýasy shalqyǵan sharýashylyqta bolyp, kásiporynnyń tynys-tirshiligimen tanysty. Áńgime barysynda oblys basshysy óńirge et óńdeý kombınatynyń óte qajet ekenin basa aıtty.

– Múmkindikterdi paıdalaný kerek, – ol. – Qazir «Qarapaıym zattardyń ekonomıkasy» atty jańa baǵdarlama paıda boldy, onyń aıasynda memlekettik qoldaý tetikteri qarastyrylǵan.

«Jáke» sharýa qojalaǵy et ónimderin eldiń ishki naryǵyna da, shetelge de shyǵarady. Eksporttyq jetkizilimder búginde eki baǵytta júriziledi. Sharýa qojalyǵynyń ónimderi О́zbekstanǵa ǵana emes, Iranǵa da satylatynyn aıta ketken jón.

Qazirgi tańda sharýa qojalyǵy mal sharýashylyǵynyń ónimdiligin arttyrý maqsatynda jergilikti fermerlermen tyǵyz baılanys ornatyp, áriptestik negizdegi tıimdi jobalardy qolǵa alǵan.


  

Qaraǵandy oblysy


Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar