Dostyq úıinde ótken jıynda oblystyq koalısııa músheligindegi saıası partııalar jetekshileri men belsendileri, ÚEU men qoǵamdyq birlestikter basshylary qatysty.
Jıyndy ashqan «Nur Otan» partııasy oblystyq fılıaly tóraǵasynyń birinshi orynbasary Aqmaral Álnazarova qazirgi tańda Qazaqstan damýdyń jańa dáýirine qadam basqanyn aıttyp, ulyqtaý rásiminde Memleket basshysy atap kórsetken bılik pen qoǵamnyń aldynda turǵan eń negizgi maqsattarǵa toqtalyp ótti.
- Prezıdent ulyqtaý rásiminde halyqtyń ál-aýqatyn arttyryp, ekonomıkalyq jáne saıası júıemizdiń damýyna tyń serpin beretin naqty baǵyttardy atap kórsetti. Olar: halyqtyń tabysyn arttyrý, sybaılas jemqorlyqty joıý, sot jáne quqyq qorǵaý júıesin reformalaý, jańa jumys oryndaryn ashý, turǵyn úı máselesin sheshý, ádiletti áleýmettik saıasat, óńirlerdi damytýdyń jańa baǵdary, «Rýhanı jańǵyrý» baǵdarlamasyn jalǵastyrý, jaýapty syrtqy saıasat, jastarǵa jan-jaqty qoldaý kórsetý. Bul Prezıdentiń Sabaqtastyqty, Ádildikti jáne О́rleýdi maqsat etken saılaýaldy baǵdarlamasynda da aıqyn kórsetilgen. Biz mindetti túrde bul maqsatqa jetemiz. Basty mindetimiz – Elbasy strategııasyn birigip júzege asyrý! – dedi Aqmaral Álnazarova.
Jıyn barysynda koalısııa músheligindegi saıası partııalar jetekshileri men belsendileri, ÚEU men qoǵamdyq birlestikter basshylary da óz oı pikirlerin ortaǵa saldy.
Is-shara sońynda kolaısııa ókilderi syrboıylqtardy yntymaqqa, birlikke jáne qazaqstandyq damý jolynyń basty qundylyqtary – qoǵamdyq kelisim men saıası turaqtylyqty, etnosaralyq jáne konfessııaaralyq beıbitshilik pen tózimdilikti saqtaýǵa, barlyq qoǵamdyq-saıası kúshterdi saılaýdan keıingi kezeńde elimizdiń strategııalyq maqsattary jolynda birigýge, Qazaqstan Prezıdentiniń el damýynyń ózekti máselelerine qatysty bılik pen azamattyq qoǵam arasynda turaqty jáne konstrýktıvti dıalog qurý bastamasyn qoldaýǵa shaqyrǵan Úndeý qabyldandy.
QYZYLORDA OBLYSY
