Aımaqtar • 21 Maýsym, 2019

Qaraǵandynyń ǵalymy «Altyn Gefest» syılyǵyna ıe boldy

213 ret kórsetildi

Qaraǵandy memlekettik tehnıkalyq ýıversıtetiniń birinshi prorektory, tehnıka ǵylymdarynyń doktory, professor, QazUJǴA akademıgi Arıstotel Isaǵulov Ulttyq taý-ken-metallýrgııa salasyndaǵy «Altyn Gefest-2019» syılyǵynyń «Jyldyń ǵalym-pedagogy» atalymy boıynsha laýreaty atandy.

Arıstotel Isaǵulov elimizdegi tanymal metallýrgterdiń biri. Ol 35 jyldan beri dálme-dál quıý, avtomattandyrý jáne dálme-dál quıý óndirisin avtomattandyrý jáne mehanıkalandyrý, sondaı-aq metallýrgııa  salalarynda qoldanbaly zertteýlerdi tabysty júrgizip keledi.

Jańa tehnologııalyq úderister TMD-nyń Qazaqstan, Reseı jáne Belarýs sııaqty elderinde óndiriske engizilgen. Onyń eńbekteri AQSh, Germanııa jáne Shveısarııa syndy shet memleketterde keńinen tanymal.

Qazirgi tańda ǵalymnyń jetekshilik etýimen jemirilýge qarsy SAKTAU jabynyn shyǵarý jónindegi kommersııalyq joba aıaqtalýǵa jaqyn qaldy. Bul ınnovasııalyq tehnologııa jemirilýden qorǵaýdyń deńgeıin kóterip, jabynnyń tózimdiligin bir jarym esege arttyrady.

Eske salsaq, «Altyn Gefest» – elimizdegi taý-ken-metallýrgııa salasyndaǵy eń mártebeli syılyq bolyp sanalady. Osydan on jyl buryn tuńǵysh syılyqpen Elbasy Nursultan Nazarbaev marapattalǵan bolatyn.

2018 jyly Qazaqstanda ótken Búkilálemdik taý-ken kongresiniń arqasynda «Altyn Gefest» syılyǵy dúnıejúzilik tanymaldyqqa ıe boldy.



Qaraǵandy oblysy


Sońǵy jańalyqtar

Ulylar úndestigi

Qazaqstan • Keshe

Baǵa baqylanady

Qarjy • Keshe

Meıirim shuǵylasy

Rýhanııat • Keshe

Kedergisiz orta kerek

Qoǵam • Keshe

Sıfrly damý: Jańa betburys

Tehnologııa • Keshe

Mahabbat áýeni

О́ner • Keshe

Uqsas jańalyqtar